Ginagamhan Bala sang Dios ang Kalibutan?

DOMINGO sang aga. Madamong tawo ang nagbangon, nag-ilis, namahaw, kag dalidali nga nagkadto sa simbahan. Didto namati sila sa isa ka sermon tuhoy sa kon paano ang Dios nagagahom sing supremo sa ibabaw sang duta, nga dimatupungan sa awtoridad. Ginsugiran sila nga nagaulikid gid sia sa mga tawo. Ginhinambitan man si Jesucristo. Mahimo nila nabatian nga sia amo ang Hari sang mga hari nga sa iya ang tagsa ka tuhod magaluhod bilang pagtuman.

Pagpauli nila halin sa simbahan, mahimo nga ginbuksan sining mga tawo ang telebisyon kag nagtan-aw sing balita. Karon nabatian nila ang tuhoy sa gutom, krimen, abuso sa droga, kag kaimulon. Kag nakita nila ang makaluluoy nga mga dagway sang balatian kag kamatayon.

Inang mga indibiduwal mahimo magsugod sa pagpalibog tuhoy sa mga butang nga nabatian nila sa simbahan kag ilabi na ang tuhoy sa mga butang nga wala gid mapaathag didto. Kon ang Dios mahigugmaon kag gamhanan katama, ngaa nagakahanabo ang mabudlay nga mga butang? Kag kamusta si Jesucristo? Sing maathag, madamong tuhod ang wala nagaluhod bilang pagtuman sa iya.

[Retrato sa pahina 3]

Kon ginagamhan sang Dios ang kalibutan, ngaa may pag-antos kag kagamo?

[Credit Line sang retrato sa pahina 2]

Cover: NASA photo