Mga Kaundan

Makabenepisyo lang kita sa ihibalo kon gamiton naton ini. Pero kinahanglan ang pagkamapainubuson para maaplikar naton ang aton natun-an. Palig-unon kita sang sini nga artikulo nga magpabilin nga mapainubuson paagi sa pag-ilog sa mga halimbawa sa Biblia nga nagbantala sa tanan nga sahi sang tawo, nagpangamuyo para sa iban, kag naghulat kay Jehova.

Sa sining mabudlay nga tion, mahimo magluya ang aton buot bangod sang mga kabudlayan. Buligan kita ni Jehova kag ni Jesus nga maatubang ini. Pero may responsibilidad kita tanan nga paumpawan kag palig-unon ang isa kag isa. Binagbinagon sang sini nga artikulo kon paano naton palig-unon ang iban paagi sa gugma.

Si Jehova isa ka malipayon nga Dios kag luyag niya nga mangin malipayon man ang iya mga alagad. Pero paano kita mangin malipayon bisan sang mga pagtilaw kag kabudlayan sa kalibutan ni Satanas? Sa iya Sermon sa Bukid, naghatag si Jesus sing mapuslanon nga laygay kon paano mangin malipayon sing wala sing katapusan.

Subong, ang mga tawo nangin maiyaiyahon. Pero, tuhay ang katawhan ni Jehova bangod nagahigugmaanay sila. Ang isa ka pamatuod sini amo ang pagpakita nila sing konsiderasyon sa iban. Una, binagbinagon naton ang dalayawon nga halimbawa ni Jehova sa pagpakita sing konsiderasyon sa iban. Dayon binagbinagon naton kon paano naton mailog ang iya halimbawa.