Mga Balita Teokratiko

Angola: Ang dalayawon nga pag-uswag padayon nga ginareport. May bag-ong kataason nga 18,911 ka manugbantala sang Hulyo, kag 6,075 ka pagtuon sa Biblia ang ginhiwat.

India: Ang kabug-usan nga kadamuon sang mga manugbantala sang Hulyo 12,169, ukon 14 porsiento nga mas madamo sang sa promedyo sang nagligad nga tuig. Ang mga pagtuon sa Biblia nakalab-ot sa bag-ong kataason nga 10,153.

Myanmar: Ang bag-ong kataason nga 1,958 ka manugbantala nalab-ot sang Hulyo.

São Tomé kag Príncipe: Ang pinakamataas nga kataason nga 80 ka manugbantala nakigbahin sa pag-alagad sa latagon sang Hulyo. Ang kadamuon sang pagtuon sa Biblia nga ginahiwat​—382 sang Hulyo—​nagapakita nga ining teritoryo handa na para sa bugana nga alanyon.

Alemanya: Ang sanga nagareport nga may 159,821 ka manugbantala sa latagon sa isa ka bulan sining karon lang, nga isa ka 3-porsiento nga pag-uswag sang sa promedyo sang nagligad nga tuig.