Mga Pahibalo

◼ Tanyag nga literatura sa Disiembre: New World Translation nga Biblia upod ang The Bible​—God’s Word or Man’s? sa ₱100.00. Enero: CEBUANO, ILOKO, PANGASINAN, kag TAGALOG: Ang Pinakabantog nga Tawo nga Nagkabuhi sa ₱60.00. BICOL: Ang Kamatuoran nga Nagadul-ong sa Kabuhi nga Dayon sa ₱4.00. INTSIK: Your Youth​—Getting the Best Out of It; Maayong Balita sa Pagpahalipay sa Imo; ukon Survival Into a New Earth sa ₱4.00. HILIGAYNON kag SAMAR-LEYTE: Maayong Balita sa Pagpahalipay sa Imo sa ₱4.00. Pebrero: Mahimu Ka Mabuhi sing Dayon sa Paraiso sa Duta, daku nga edisyon sa ₱60.00, gamay nga edisyon sa ₱30.00. Marso: Revelation​—Its Grand Climax at Hand! sa ₱60.00. PATALUPANGOD: Ang mga kongregasyon nga wala pa makaorder sang nasambit sa ibabaw nga kampanya nga mga libro dapat mag-order sa ila masunod nga binulan nga Literature Request Form (S-14).

◼ Sa Enero, subong sang ginapakita sa ibabaw, may yara pinasahi nga panikasog nga ipahamtang ang pila sang aton daan nga mga libro sa manubo nga bili sa pila ka pamulong. Talupangda palihug nga yadtong mga publikasyon lamang nga nalista sa ibabaw ang itanyag sa manubo nga bili nga ₱4.00. Ang mga payunir mahimo makakuha sing mga kopya sa tig-₱1.00 ang isa. Ang mga kongregasyon mahimo makapangabay sing kredito para sa mga payunir kag mga manugbantala kon magpadala sang ila Remittance and Credit Request form (S-20) sa katapusan sang Enero.

◼ Sa Bicol, madamo kami sing suplay sang “Toloka!” nga brosyur. Luyag namon ipanugda sa tanan nga manugbantala sa sining rehiyon nga magdala sing mga kopya sini sa Bicol kon nagaguwa sa latagon sa Enero. Sanglit ang kontribusyon para sa sini ₱6.00, kon itanyag upod sang Bicol nga Kamatuoran nga libro sa ₱10.00, mangin makagalanyat nga tanyag ini.

◼ Ang mga kongregasyon nga kombeniente sa paghiwat sing pagtuon sa libro sang kongregasyon sa semana sang kombension mahimo nga makahiwat gihapon sini. Apang, kon indi kombeniente, mahimo nila tun-an ang katunga sang pagatun-an sa semana isa ka semana antes ukon ang katunga pagkadason nga semana, busa nagadungan sa iskedyul nga ginhatag.

◼ Ang mga wala sing kombension sa Disiembre 30 mahimo magahimos sing pinasahi nga hilikuton sa magasin, kay ini masunson nga isa ka publiko nga piesta-opisyal.

◼ Ang tuigan nga teksto para sa 1994 ginkuha sa Hulubaton 3:5: “Salig kay Jehova sa bug-os mo nga tagipusuon.” Ang tanan nga mga kongregasyon dapat maghimos nga itakod ining bag-ong teksto sa ila mga Kingdom Hall sa Enero 1, 1994.

◼ Importante para sa tanan nga mga manugbantala nga maghimo sing pat-od nga mga kahimusan sa pagguwa sa latagon sa maaga nga bahin sang Disiembre. Kon, bangod sang pagtambong sa kombension ukon pagbakasyon wala ka sa kongregasyon sa katapusan sang Disiembre, pat-ura nga ihatag sa sekretaryo ang imo report antes ka maglakat. Paagi sa pagkamahunahunaon sang tanan nga ihatag ang ila report sa husto nga tion, ang tanan nga mga manugbantala malakip sa report sa Disiembre.

◼ Ang bag-ong mga publikasyon nga ginpaguwa sa internasyonal nga kombension sa Manila sang Nobiembre 4-7, 1993 indi makuha sa sanga talatapan kag indi dapat orderon sang mga kongregasyon tubtob matapos ang mga kombension sa probinsia, nga sa Enero 3, 1994.

◼ Isa pa ka release sang diskette sa kompyuter ang matigayon kag mahimo maorder: New World Translation of the Holy Scriptures​—With References/Insight on the Scriptures. Ini nga release nagaunod sang New World Translation kag sang duha ka tomo sang Insight. Matigayon lamang ini sa Ingles sa 5 1/4ʺ 1.2-megabyte ukon 3 1/2ʺ 1.44-megabyte nga mga diskette. Ginakinahanglan ang kompyuter nga may hard disk nga may mininum nga 18 ka megabyte nga libre nga espasyo. Bili sa manugbantala: ₱450.00; sa payunir: ₱375.00.