Mga Pahibalo

◼ Tanyag nga literatura para sa DisIembre: Ang Pinakabantog nga Tawo nga Nagkabuhi sa Duta sa ₱60.00. Enero: Mankind’s Search for God sa ₱30.00 ukon True Peace and Security sa ₱20.00. Pebrero: Revelation​—Its Grand Climax at Hand! sa ₱60.00. Marso: Bag-ong publikasyon nga ipaguwa sa distrito nga mga kombension. PATALUPANGOD: Ang mga kongregasyon nga wala pa makapangabay sing nasambit sa ibabaw nga literatura sa kampanya dapat mangabay sini sa ila masunod nga binulan nga Literature Order Form (S-AB-14).

◼ Ang nagadumala nga manugtatap ukon ang isa nga gintangdo niya dapat mag-awdit sang kwenta sang kongregasyon sa Disiembre 1 ukon sa gilayon pagligad sini. Pahibalua ang kongregasyon kon natapos na ini.

◼ Importante para sa tanan nga manugbantala nga maghimo sing pat-od nga mga kahimusan sa pagguwa sa latagon sa maaga nga bahin sang Disiembre. Kon, bangod sang pagtambong sa kombension ukon pagbakasyon, wala ka sa inyo kongregasyon sa katapusan sang Disiembre pat-ura nga ihatag sa sekretaryo ang imo report antes ka maglakat. Paagi sa pagkamahunahunaon sang tanan nga ihatag ang ila report sa husto nga tion, mangin kompleto ang aton report sa Disiembre.

◼ Sanglit ang distrito nga kombension sini nga tuig tatlo ka adlaw, indi kinahanglan nga kanselahon ang Pagtinuon sa Libro sang Kongregasyon sa semana sang kombension.

◼ Mga Kontribusyon sa Distrito nga Kombension: Bangod wala na sing food service sa mga kombension, ang tanan nga gastos, lakip na ang arkila sa mga pasilidad, pagpatindog sing entablado, kag mga sistema sa public address nga gin-aman, pagasupurtahan sing bug-os sang boluntaryo nga mga kontribusyon. Nahibaluan namon nga panumdumon ini sang tanan nga nagatambong. Ang mga kontribusyon mahimo ihulog sa mga kahon-alamutan nga ginaaman sa mga kombension. (Tan-awa ang parapo 12 sang suplemento sang Nobiembre, 1995 nga Ang Aton Ministeryo sa Ginharian.)

◼ Tuigan nga Teksto sa 1996: Ang tuigan nga teksto sa 1996 ginkuha sa Santiago 1:22: “Mangin mga manugtuman sang pulong.” Ang tanan nga kongregasyon dapat maghimos nga itakod ining bag-ong teksto sa ila mga Kingdom Hall sa Enero 1, 1996.

◼ Pagsaka sang Bili sang Magasin: Bangod sang pagsaka sang bili sang papel kag produksion, ang bili sang mga magasin dapat pasakaan sugod sa Enero, 1996 nga mga guwa. Ang kontribusyon mangin ₱5.00 para sa mga manugbantala kag sa publiko kag ₱3.50 para sa mga payunir. Ang suskripsion mangin ₱120.00 sa isa ka tuig kag ₱60.00 sa anom ka bulan. Ang pioneer rate mangin ₱60.00 sa isa ka tuig kag ₱30.00 sa anom ka bulan. (Patalupangod sa mga nagauyat sing magasin: Bangod ang bag-o nga bili magasugod sa Enero nga mga guwa, pat-ura nga ining mga guwa pagasukton sa bag-ong bili bisan pa magaabot ini sa Disiembre; kon indi ang kwenta sang kongregasyon maapektuhan.)

◼ Bag-ong Dalagku sing Letra nga Watchtower: Nalipay kami sa pagpahibalo nga ang dalagku sing letra nga edisyon sang The Watchtower sa Cebuano, Iloko, kag Tagalog igabalhag sugod sa Enero 1, 1996 nga mga guwa. Pareho ini kadaku sa regular nga magasin nga may 32 ka pahina apang wala sing duag ukon mga ilustrasyon kag magaunod lamang sang mga artikulo nga tulun-an lakip ang mga pamangkot. Ang bili pareho sang regular nga edisyon. Sarang ini maorder paagi sa indibiduwal nga suskripsion ukon subong distributors’ copies nga ginapadala paagi sa kongregasyon. Sa pag-order, gamita ang regular nga Watchtower subscription slip (M-1) ukon ang Distributors’ Order form (M-202) kag isulat sing maathag sa naibabaw kag natuo nga bahin, “LARGE PRINT.” Ginalauman namon nga ining aman makabulig sa mga tigulang ukon sa sadtong may mapigaw nga panulok.

◼ Greatest Man nga Album: Sanglit ginatanyag naton ang Greatest Man nga libro sa Disiembre, maayo panumdumon nga matigayon sa Sosiedad ang isa ka album nga may anom ka cassette para sa sining libro sa Ingles. Madamong pamilya ang nalipay mamati sa sini sing regular kag nakatukib nga tuman ini ka makapalig-on kag makatudlo. Bisan ang pila ka mga pagtuon sa Biblia mahimo mangin interesado sa pagtigayon sang isa sini. Ang kontribusyon ₱300.00 para sa mga manugbantala kag sa publiko kag ₱230 para sa mga payunir. Apang, ining bili magasaka sa Enero 1, 1996.

◼ Mga Publikasyon nga Matigayon Para sa mga Bulag: Ang sanga sa Pilipinas may lainlain nga publikasyon nga matigayon sa Grade 2 English Braille. Kon ang mga manugbantala may kilala nga bisan sin-o nga makabasa sini nga sahi sang Braille, mahimo sulatan sang sekretaryo sang kongregasyon ang Sosiedad para sa impormasyon kon paano ini matigayon.