Kompleto Bala ang Inyo Teokratikong Librarya?
1 Kutob sang 1944, ginpalig-on sang Sosiedad ang mga kongregasyon sa pagpatok sing isa ka librarya sang Teokratikong Eskwelahan sa Pagministro sa Kingdom Hall. Ang Aton Ministeryo nga libro sa pahina 74 nagasiling nga ining librarya “magaunod sang matigayon nga mga publikasyon sang Sosiedad, ayhan madamo nga badbad sang Biblia, konkordansia kag iban pa makabulig nga reperensya.” Ang manugtatap sang eskwelahan amo ang may salabton sa librarya.
2 Daw ano ka kompleto ang librarya sa inyo Kingdom Hall? Importante gid nga ang inyo librarya may Watch Tower Publications Indexes agod makapanalawsaw ang mga kauturan. Agod mangin mapuslanon ini, kinahanglan man nga may mga tomo sang Watchtower nga ginapatuhuyan sa mga Indese. Nalipay kami sa pagsiling nga may limitado nga istak kami karon sa sanga sa Pilipinas sang tanan nga tomo sang Watchtower sa Ingles halin 1950 tubtob 1995. Mahimo ini mapedido sa Sosiedad sang mga kongregasyon ukon mga indibiduwal nga dapat magkompleto sang ila personal nga mga librarya.
3 Apang, dumduma nga ining mga tomo “Special-Request Items,” nga nagakahulugan nga dapat ini gilayon bayaran pagkabaton sini kag indi dapat taguon sa kagastuhanan sang Sosiedad. Nagakahulugan ini nga dapat ipadala ang amot nga ₱120.00 para sa kada tomo nga ginpedido. Ayhan handa ang mga kauturan sa pag-amot agod makompleto ang librarya sa Kingdom Hall paagi sa sining mga tomo. Mangin pagpakamaayo ini para sa bug-os nga kongregasyon. Bisan kon indi ninyo makuha ang tanan nga tomo sing dulungan, ang kongregasyon mahimo makapedido sing isa ukon duha sa karon kag ugaling makakuha sing dugang pa sa ulihi tubtob may suplay pa kami.
4 Ginapalig-on namon ang mga indibiduwal nga makasarang sa paghimo sini nga kumpletuhon ang ila kaugalingon nga librarya. Apang para sa mga indi makasarang, ang librarya sang Teokratikong Eskwelahan sa Pagministro may mapuslanon nga katuyuan. Samtang ginagamit naton ini sa pagpanalawsaw, masapwan naton ang ‘natago nga mga bahandi’ sang Pulong sang Dios.—Hulu. 2:4-6.