Mga Pahibalo

◼ Tanyag nga literatura sa Disiembre: New World Translation nga Biblia upod ang Ihibalo nga libro ukon ang God’s Word nga libro sa ₱125.00. Ukon ang brosyur nga Isa ka Libro Para sa Tanan nga Tawo mahimo matanyag upod ang Biblia sa ₱107.50. Enero: Nahiusa sa Pagsimba sa Lamang Matuod nga Dios sa ₱25.00. Ang gamay nga edisyon sang Mabuhi sing Dayon nga libro mahimo matanyag sa ₱20.00 subong tal-us. Pebrero: Ang Sekreto sang Kalipay sa Pamilya sa ₱25.00. Marso: Ihibalo nga libro sa ₱25.00. PATALUPANGOD: Ang mga kongregasyon nga wala pa makapangabay sing ginhinambitan sa ibabaw nga kampanya nga publikasyon dapat mangabay sini sa ila masunod nga binulan nga Literature Order Form (S-AB-14).

◼ Ang nagadumala nga manugtatap ukon ang isa nga gintangdo niya dapat mag-awdit sang kuwenta sang kongregasyon sa Disiembre 1 ukon sa gilayon pagligad sini. Ipahibalo ini sa kongregasyon kon natapos na.

◼ May pila pa kami ka kopya sa amon talaguan sing libro nga Life Everlasting​—⁠in Freedom of the Sons of God sa Iloko subong man sing libro nga Mga Butang sa Diin Imposible sa Dios ang Magbutig sa Hiligaynon. Bisan pa nga madugay na ini nga mga publikasyon, mahimo nga luyag sang pila ka indibiduwal ukon kongregasyon nga makakuha sing kopya agod makumpleto ang ila mga librarya. Ang mga order para sa sini dapat ipadala paagi sa kongregasyon kag ipadala namon ini tubtob maubos ang amon limitado nga suplay. Ang kontribusyon sa kada kopya ₱20.00.

◼ Importante para sa mga manugbantala nga pat-uron nga makaalagad sila sa latagon sa maaga nga bahin sang Disiembre. Kon magatambong ka sing kombension ukon magabakasyon, ukon wala ka sa inyo kongregasyon sa katapusan sang Disiembre, pat-ura nga ihatag ang imo report sa sekretaryo antes maglakat. Kon ang tanan mahalungon nga nagareport sing husto sa tion nian makumpleto naton ang report para sa Disiembre.

◼ 1999 Tuigan nga Teksto: Ang tuigan nga teksto sa 1999 ginkuha sa 2 Corinto 6:​2: “Yari karon! Karon amo ang adlaw sang kaluwasan.” Dapat maghimo sing kahimusan ang tanan nga kongregasyon nga mapakabit ang bag-ong tuigan nga teksto sa ila Kingdom Hall sa Enero 1, 1999.

◼ Iskedyul Sang Pagtinuon Sang Kongregasyon sa Libro: Kutob sa semana sang Pebrero 1-7 tubtob Marso 15-21, 1999, ang mga kongregasyon magatuon sa bag-ong brosyur nga ipaguwa sa “Dalanon Sang Dios sa Kabuhi” nga Distrito nga mga Kombension. Dapat siguraduhon sang mga manugbantala nga makakuha sang ila kopya sini nga brosyur sa kombension agod may kopya sila sini sa Pebrero 1, kon ini gamiton sa Pagtinuon Sang Kongregasyon sa Libro.

◼ Bag-ong Publikasyon nga Matigayon:

Apply Yourself to Reading and Writing (Isa ka 64-ka-pahina nga brosyur nga pareho kadaku sa magasin para sa mga nagatuon sa pagbasa kag sa pagsulat, nga may mga laragway; Bili para sa manugbantala kag payunir: ₱17.50.)​—⁠Ingles