Mga Pahibalo

◼ Tanyag nga literatura para sa Enero: Itanyag ang daan nga mga libro, ilabi na ang Nahiusa sa Pagsimba sa Lamang Matuod nga Dios sa ₱25.00. Ang gamay nga edisyon sang Mahimu sing Dayon nga libro mahimo man matanyag sa ₱20.00 kon may yara. Pebrero: Ang Sekreto sang Kalipay sa Pamilya sa ₱25.00. Marso: Ang Ihibalo nga libro sa ₱25.00. Abril kag Mayo: Isa ka tuig nga suskripsion sa Ang Lalantawan sa ₱120.00. PATALUPANGOD: Ang mga kongregasyon nga wala pa makapangabay sing ginhinambitan sa ibabaw nga kampanya nga mga publikasyon dapat mangabay sini sa ila masunod nga binulan nga Literature Order Form (S-AB-14).

◼ Ang mga kongregasyon dapat maghimo sing mga kahimusan sa pagsaulog sang Memoryal sini nga tuig sa Huebes, Abril 1, 1999, pagtunod sang adlaw. Bisan pa nga ang pamulongpulong mahimo nga magasugod sing mas temprano, ang pagpasa sa mga emblema sang Memoryal indi dapat sugdan tubtob makatunod ang adlaw. Bisan pa nga maayo nga saulugon sang tagsa ka kongregasyon ang ila Memoryal, mahimo nga indi ini pirme posible. Kon madamo nga kongregasyon ang kinaandan nga nagagamit sa isa ka Kingdom Hall, ayhan ang isa ukon kapin pa nga kongregasyon mahimo maggamit sing lain nga pasilidad para sa sini nga gab-i.

◼ Ang pinasahi nga pamulongpulong publiko para sa panahon sang Memoryal sa 1999 ihatag sa Domingo, Abril 18. Natig-uluhan ini sing “Ang Matuod nga Pagpakig-abyan sa Dios kag sa Isigkatawo.” Ang balayan ihatag sa mga humalambal sa nagakaigo nga tion. Ang mga kongregasyon nga may pagduaw sang manugtatap sang sirkito, sirkito nga asambleya, ukon pinasahi nga adlaw nga asambleya sa sina nga talipuspusan sang semana magahiwat sing pinasahi nga pamulongpulong sa masunod nga semana. Wala sing kongregasyon nga magahatag sing pinasahi nga pamulongpulong antes sang Abril 18, 1999.

◼ Sanglit ang Abril kag Mayo pinasahi nga mga binulan para sa magasin kag madamo ang magaauxiliary payunir sa sina nga tion, ang manugtatap sa pag-alagad kag ang utod nga nagatatap sang mga magasin dapat karon magbinagbinag sa pag-order sing dugang pa nga mga magasin para magamit sang kongregasyon. Palihug ipadala ang inyo mga order agod makalab-ot ini sa sanga-talatapan nga indi maglampas sa Pebrero 1, 1999. Magapat-od ini nga mabaton ninyo ang dugang pa nga magasin dungan sa inyo regular nga order.

◼ Iskedyul sa Pagtinuon Sang Kongregasyon sa Libro: Ang tanan nga Cebuano, Hiligaynon, Iloko, kag Tagalog nga mga kongregasyon magatuon liwat sang libro nga Ang Pinakabantog nga Tawo nga Nagkabuhi sa mga pagtinuon sang kongregasyon sa libro sugod sa semana sang Marso 22-28, 1999. Sugod sa amo man nga semana, ang tanan nga kongregasyon sa Bicol, Pangasinan, kag Samar-Leyte magatuon sa Ihibalo nga libro.

◼ Sulat sa Middle East: Bangod sang mga problema sa seguridad sa Muslim nga mga pungsod, ginapangabay nga ang bisan ano man nga sulat gikan sa mga kongregasyon may kaangtanan sa mga Publisher Record card, kbp., dapat ipadala sing direkta sa sanga sang Britanya ukon sa sanga sang Pilipinas para mapadala sa Britanya. Ang tanan nga sulat dapat nga sa Ingles kon ipadala sing direkta sa Britanya kag ang kongregasyon nga magabaton sang sulat dapat isulat sing maathag. Nian ipadala sang sanga sang Britanya ang materyal sa nagakaigo nga kongregasyon, kag magabag-o sang bisan ano nga pinamulong nga mahimo nga magabutang sa katalagman sa mga kauturan didto. Ini nga kahimusan naaplikar sa Bahrain, Kuwait, Oman, Qatar, Saudi Arabia, kag United Arab Emirates.

◼ Matigayon na karon sa Sosiedad ang kompleto nga Kingdom Melodies on Compact Discs, Num. 1 tubtob 8. Ang kada isa sining walo ka compact disc mahimo maorder sa amot nga ₱100.00, ukon ang kompleto nga set maorder sa ₱800.00.