Mga Pahibalo

◼ Tanyag nga literatura sa Nobiembre: Ang Ihibalo nga libro ukon ang Ginapatuman nga brosyur mahimo itanyag. Kon ang mga tawo may yari na sini, ang Mabuhi sing Dayon ukon Creation nga libro mahimo magamit subong tal-us nga tanyag. Disiembre: New World Translation Bible upod ang Ihibalo nga libro sa ₱125.00. Ang Mabuhi sing Dayon ukon God’s Word nga mga libro mahimo matanyag subong mga tal-us. Enero: Nahiusa sa Pagsimba sa Lamang Matuod nga Dios ukon bisan anong iban pa daan nga 192-ka-pahina nga mga libro. Pebrero: Ang Kalipay sa Pamilya nga libro. PATALUPANGOD: Ang mga kongregasyon nga wala pa makapangabay sing ginhinambitan sa ibabaw nga kampanya nga mga publikasyon dapat magpangabay sa ila masunod nga binulan nga Literature Order Form (S-AB-14).

◼ Palihug talupangda sa pahina 6 sining Ang Aton Ministeryo sa Ginharian nga ang petsa sang distrito nga kombension sa Pili, Camarines Sur ginsaylo sa Disiembre 24-26, 1999 sa baylo nga sa Disiembre 31 tubtob Enero 2, 2000.

◼ Ang Sosiedad nagaplano sa paghimo sing kahimusan sang interpretasyon para sa mga bungol sa “Matagnaon nga Pulong Sang Dios” nga Distrito nga Kombension sa Quezon City sa Disiembre 31 tubtob Enero 2, 2000. Dungan ini sa Ingles nga kombension sa sina nga petsa. Ang bisan sin-o nga mga bungol nga makahangop sang sign language dapat magtambong sa sining kombension, kay wala na sing interpretasyon para sa mga bungol sa iban pa nga mga kombension.

◼ Ang mga manugbantala nga nagaplano sa pag-auxiliary payunir sa Disiembre dapat maghatag sing maaga sang ila mga aplikasyon agod makahimo ang mga gulang sing kinahanglanon nga mga kahimusan para sa literatura kag teritoryo.