Mga Pahibalo

◼ Tanyag nga literatura sa Agosto: Ang bisan ano nga brosyur mahimo matanyag. Apang, sanglit may madamo kita nga suplay sing brosyur, Isa ka Libro Para sa Tanan nga Tawo, ginapalig-on namon ang mga kongregasyon nga gamiton ini sa Agosto. Septiembre: Ang libro nga Life​—⁠How Did It Get Here? By Evolution or by Creation? Oktubre: Indibiduwal nga mga kopya sang Ang Lalantawan kag Magmata! Kon may interes nga nakita sa mga pagduaw liwat, ang mga suskripsion mahimo matanyag. Sugod sa ulihi nga bahin sang bulan, ang Kingdom News Num. 36, “Ang Bag-ong Milenyo​—⁠Ano ang Imo Palaabuton?,” ipanagtag. Nobiembre: Ang pagpanagtag sing Kingdom News Num. 36 padayunon. Ang mga kongregasyon nga nakatapos sang ila teritoryo paagi sa paghatag sa mga tagbalay sa tagsa ka puluy-an sing isa ka kopya sang Kingdom News Num. 36 mahimo magtanyag sing Ihibalo nga libro ukon Ginapatuman nga brosyur. Kon ang mga tawo may yari na sini, ang Mabuhi sing Dayon nga libro ukon ang Creation nga libro mahimo magamit. PATALUPANGOD: Ang mga kongregasyon nga wala pa makapangabay sing ginhinambitan sa ibabaw nga kampanya nga mga publikasyon dapat magpangabay sa ila masunod nga binulan nga Literature Request Form (S-AB-14).

◼ Ang nagadumala nga manugtatap ukon ang isa nga gintangduan niya dapat mag-awdit sang kuwenta sang kongregasyon sa Septiembre 1 ukon sa gilayon pagligad sini. Sa tion nga matapos na ini, pahibalua ang kongregasyon sa tapos mabasa ang masunod nga report sa kuwenta.

◼ Ang tuigan nga imbentaryo sang suplay sang tanan nga literatura kag magasin dapat himuon sa Agosto 31, 2000, ukon sa gilayon pagligad sini kon mahimo. Ini nga imbentaryo kaanggid sa aktuwal nga pag-isip nga ginahimo kada bulan sang manugpahituhog sang literatura, kag ang kabug-usan dapat isulat sa Literature Inventory nga pormas (S-18). Ang kabug-usan nga kadamuon sang suplay nga mga magasin mahimo kuhaon sa mga alagad sa magasin sa tagsa ka kongregasyon sa grupo sang literatura. Ang tagsa ka nagapahituhog nga kongregasyon magabaton sing tatlo ka Literature Inventory nga pormas (S-18) upod sang Hunyo nga statement. Palihug ipadala ang orihinal sa Sosiedad nga indi maglampas sa Septiembre 6. Tagua ang ikaduha nga kopya sa inyo file. Ang ikatlo nga kopya mahimo gamiton subong work sheet. Dapat dumalahan sang sekretaryo sang nagapahituhog nga kongregasyon ang imbentaryo. Pirmahan sang sekretaryo kag sang nagadumala nga manugtatap sang nagapahituhog nga kongregasyon ang pormas.

◼ Lakip sa Hunyo nga statement, ang tagsa ka kongregasyon magabaton sing duha ka kopya sang Congregation Analysis Report (S-10). Ang sekretaryo sang kongregasyon magatipon sang mga report agod masulatan sing husto kag sing mahipid ining porma, nga pagkatapos sini dapat ini usisaon sing maayo sang komite sa pag-alagad. Ang orihinal dapat ipadala sa Sosiedad sa Septiembre 6. Tagua ang duplikado sa inyo file.

◼ Ang mga order para sa Pag-usisa sa Kasulatan sa Adlaw-adlaw​—⁠2001 kag 2001 Calendar dapat na karon ipadala sa Sosiedad. Nagapadala kami sing isa ka pinasahi nga order blank para sa sining duha ka butang lakip sa Hunyo nga statement. Kon mabaton ninyo ini, sulati kag ibalik ini sa Sosiedad nga indi maglampas sa Septiembre 6.

◼ May tion pa para sa mga nagaplano nga magsugod sa pagregular payunir sa Septiembre 1 sa pagsumiter sang ila mga aplikasyon. Kon maaprobahan sang komite sa pag-alagad dapat ini gilayon ipadala sa Sosiedad agod mabaton ang aprobal antes ang Septiembre 1.

◼ Bag-ong Audiocassette nga Matigayon:

Appreciating Our Spiritual Heritage​—⁠Ingles (Amo ini ang drama nga nakita sa distrito nga mga kombension sang nagligad nga tuig)

◼ Bag-ong Publikasyon nga Matigayon:

Watch Tower Publications Index 1999​—⁠Ingles