Mga Pahibalo

◼ Tanyag nga literatura sa Disiembre: Ang brosyur nga Isa ka Libro Para sa Tanan nga Tawo itanyag upod sang New World Translation of the Holy Scriptures. Enero: Ang bisan anong daan nga 192-pahina nga libro mahimo itanyag. Kon ang mga kongregasyon wala sing stock sang bisan ano sini, ang Kalipay sa Pamilya nga libro mahimo itanyag. Pebrero: Life​—⁠How Did It Get Here? By Evolution or by Creation? Kon ang Ingles wala ginagamit sing lapnag, ang Kalipay sa Pamilya nga libro mahimo itanyag. Marso: Ang Ihibalo nga libro gamiton sa panikasog nga makasugod sing mga pagtuon sa Biblia sa puluy-an.

◼ Kon magabakasyon ka ukon magatambong sing distrito nga kombension sa katapusan sang Disiembre, pat-ura nga ihatag ang imo report sa sekretaryo antes maglakat. Kon ang tanan mangin mahunahunaon sa pagreport sing temprano sa katapusan sang bulan, mangin kompleto ang aton report para sa Disiembre.

◼ Mga Kontribusyon sa Distrito nga Kombension: Ang tanan nga gastos sa mga kombension, lakip na ang pag-arkila sa nagakaigo nga mga pasilidad, paghanda sang entablado kag mga sistema sa tunog, subong man ang pag-aman sing bisan ano man nga bag-ong mga publikasyon nga mahimo i-release, ginasuportahan sang boluntaryo nga mga kontribusyon sa bug-os kalibutan nga hilikuton. Napat-od namon nga dumdumon ninyo ini kon nagatambong. Mahimo mag-amot sa mga kahon-alamutan sa tagsa ka kombension.​—⁠Tan-awa ang parapo 19 sang suplemento sang Nobiembre, 1999 nga Ang Aton Ministeryo sa Ginharian.

◼ Tuigan nga Teksto sa 2001: Ang tuigan nga teksto para sa 2001 ginkuha sa Colosas 4:​12: ‘Magtindog sing bug-os kag magtuo sing malig-on sa tanan nga kabubut-on sang Dios.’ Ang tanan nga kongregasyon dapat maghimo sing kahimusan nga mapahamtang ang bag-ong tuigan nga teksto sa ila Kingdom Hall sa Enero 1, 2001.

◼ Iskedyul sa Pagtinuon Sang Kongregasyon sa Libro: Sugod sa semana sang Pebrero 5, 2001, tubtob Hulyo 23, 2001, ang libro nga Ang Sekreto Sang Kalipay sa Pamilya pagatun-an sa mga Pagtinuon Sang Kongregasyon sa Libro.