Mga Pahibalo

◼ Tanyag nga literatura sa Enero kag Pebrero: Mahimo itanyag ang daan nga 192-pahina nga mga libro, subong sang Happiness—How to Find It, Ang Kamatuoran nga Nagadul-ong sa Kabuhi nga Dayon, ukon True Peace and Security—How Can You Find It? Kon wala sing daan nga mga libro nga matigayon, mahimo itanyag ang Mankind’s Search for God ukon ang Creation nga libro bilang tal-us. Marso: Ang Ihibalo nga libro itanyag sa panikasog nga makasugod sing mga pagtuon sa Biblia sa puluy-an. Abril kag Mayo: Indibiduwal nga mga kopya sang Ang Lalantawan kag Magmata! Sa mga pagduaw liwat, mahimo ipanugda sang mga manugbantala ang pagdul-ong sa mga magasin sing regular ukon itanyag ang suskripsion kon nagapuyo sila malayo sa kongregasyon. Magdala pirme sing Ginapatuman nga brosyur agod makasugod sing mga pagtuon sa mga interesado.

◼ Ang mga kongregasyon dapat maghimo sing mga kahimusan sa pagsaulog sang Memoryal sini nga tuig sa Huebes, Marso 28, 2002, sa tapos makatunod ang adlaw. Bisan pa ang pamulongpulong mahimo magsugod sing mas temprano, ang pagpasa sa mga emblema sa Memoryal indi dapat magsugod tubtob sa tapos makatunod ang adlaw. Samtang maayo nga ang tagsa ka kongregasyon maghiwat sang kaugalingon nga selebrasyon sa Memoryal, mahimo nga indi ini pirme posible. Kon ang pila ka kongregasyon kinaandan na nga nagagamit sing isa ka Kingdom Hall, ayhan ang isa ukon kapin pa ka kongregasyon mahimo maggamit sing lain nga pasilidad sa amo nga gab-i.

◼ Ang pinasahi nga pamulongpulong publiko para sa 2002 nga panahon sang Memoryal ihatag sa Domingo, Abril 14, 2002. Ginatig-uluhan ini sing “Dumduma Gid Pirme ang ‘Makapulunaw nga Adlaw.’” Ihatag ang balayan sa mga humalambal sa nagakaigo nga tion. Ang mga kongregasyon nga may pagduaw sang manugtatap sa sirkito, sirkito nga asambleya, ukon pinasahi nga adlaw nga asambleya sa sining talipuspusan sang semana magahiwat sang pinasahi nga pamulongpulong sa masunod nga semana. Wala sing kongregasyon ang magahatag sing pinasahi nga pamulongpulong antes sang Abril 14, 2002.

◼ Sanglit ang Abril kag Mayo pinasahi nga mga bulan sa magasin kag madamo ang magaauxiliary payunir sa sini nga tion, ang manugtatap sa pag-alagad kag ang utod nga nagauyat sing mga magasin dapat karon magbinagbinag sa pag-order sing dugang pa nga mga magasin para magamit sang kongregasyon sa sini nga mga bulan. Palihug ipadala ang inyo mga order agod magaabot ini sa sanga talatapan nga indi maglampas sa Pebrero 1, 2002. Magapat-od ini nga mabaton ninyo ang dugang pa nga mga magasin dungan sa inyo regular nga order.

◼ Bag-ong mga Publikasyon nga Matigayon:

Watch Tower Publications Index, 1986-2000—Ingles

Tract T-72, The Greatest Name—Ingles

Tract T-73, Who Are Jehovah’s Witnesses?—Ingles

(Patalupangod: Ang duha ka tract sa ibabaw gindesinyo ilabi na para sa mga Muslim. May yara kami limitado nga suplay nga mahimo maorder.)