“Magpain”

Sa Cristianong kongregasyon sang una, may yara materyal nga mga kinahanglanon nga dapat hatagan sing igtalupangod. Samtang nagatin-ad ang tagsa ka tawo, ginlaygayan sia nga “magpain” sing amot agod maaman ang mga kinahanglanon. (1 Cor. 16:1-3) Subong resulta sang ila pagkaalwan, ang tanan nalipay sa paghatag sing “madamo nga pagpahayag sing pasalamat sa Dios.”—2 Cor. 9:11, 12.

Sa karon ang bug-os kalibutan nga hilikuton sang katawhan ni Jehova padayon nga nagasangkad, nga nagakinahanglan pirme sing pinansial nga suporta. Nagakaigo nga “magpain” man kita pirme agod makabulig nga mapun-an ang kinahanglanon. (2 Cor. 8:3, 4) Ang materyal nga paghatag sarang mahimo sa nanuhaytuhay nga paagi. (Tan-awa ang Nobiembre 1, 2001, Lalantawan, pahina 28-9.) Ginakabig gid naton ini subong isa ka pribilehiyo nga nagahatag sing matuod nga kalipay.—Binu. 20:35.