Mga Pahibalo

◼ Tanyag nga literatura sa Pebrero: Mahimo itanyag ang Creation ukon ang Revelation Climax nga mga libro. Marso: Itanyag ang Ihibalo nga libro kag panikasugi nga makasugod sing mga pagtuon sa Biblia. Abril kag Mayo: Tig-isa ka kopya sang Ang Lalantawan kag Magmata! Sa mga pagduaw liwat, mahimo itanyag sang mga manugbantala nga idul-ong sing regular ang mga magasin, upod ang tulumuron nga makasugod sing pagtuon sa Biblia.

◼ Dapat repasuhon sang Sekretaryo kag sang Manugtatap sa Pag-alagad ang hinimuan sang tanan nga regular payunir sa katapusan sang Pebrero. Sa sini nga tion dapat 420 ka oras na ang ila nareport. Kon may nabudlayan nga malambot ang kinahanglanon nga oras, dapat maghimo sing kahimusan ang mga gulang sa pagbulig agod malambot nila ang kulang nga oras sa nabilin nga anom ka bulan sang tuig sang pag-alagad. Para sa mga panugda, repasuha ang sulat kada tuig nga S-⁠201 nga napetsahan sing Oktubre 1, 2002.

◼ Ang nagadumala nga manugtatap ukon ang isa nga gintangdo niya dapat mag-awdit sang kuwenta sang kongregasyon sa Marso 1 ukon sa gilayon pagligad sini. Kon natapos na ini, pahibalua ang kongregasyon sa tapos mabasa ang masunod nga report sa kuwenta.

◼ Sa Domingo, Pebrero 16, 2003, may miting sa tanan nga nagaplano nga mag-auxiliary payunir sa bulan sang Marso, Abril, kag Mayo. Ginapalig-on ang tanan nga magtambong. Ang manugtatap sa pag-alagad amo ang magadumala sang miting, kag pat-uron niya nga may bastante nga Applications for Auxiliary Pioneer Service nga mapanagtag sa tanan nga magatambong sa sini nga miting.

◼ Ang bisan ano nga miting nga naiskedyul sa Mierkoles, Abril 16, 2003, dapat hiwaton sa iban nga adlaw sa tion sang semana sang Memoryal.

◼ Hiwaton ang pinasahi nga pamulongpulong publiko sa Abril 27, 2003, nga ginatig-uluhan “Nag-abot Na Bala ang Oras Sang Paghukom sa Babilonia?” Ang mga kongregasyon nga may pagduaw sang manugtatap sa sirkito, may pinasahi nga adlaw nga asambleya, ukon may sirkito nga asambleya sa Sabado kag Domingo sang Abril 26-27, 2003, dapat mag-iskedyul sang pinasahi nga pamulongpulong publiko sa Mayo 4, 2003.

◼ Bag-ong mga Publikasyon nga Matigayon:

Mangin Suod kay Jehova—Bicol, Cebuano, Hiligaynon, Iloko, Ingles, Pangasinan, Samar-Leyte, Tagalog, Tsino

Simbaha ang Lamang Matuod nga Dios—Cebuano, Hiligaynon, Iloko, Ingles, Pangasinan, Tagalog, Tsino

◼ Bag-ong Videocassette nga Matigayon:

Respect Jehovah’s Authority—Ingles (Ini ang drama tuhoy sa pagrebelde ni Core nga ginpakita sa 2001-⁠2 nga distrito nga mga kombension.)