Mga Pahibalo

◼ Tanyag nga literatura sa Agosto: Bisan ano nga brosyur. Septiembre: Life—How Did It Get Here? By Evolution or by Creation? Kon indi magbaton sang tanyag nga libro ang tagbalay, itanyag ang brosyur nga Magpadayon sa Pagbantay! Oktubre: Itanyag sing dungan ang indibiduwal nga kopya sang Ang Lalantawan kag Magmata! Kon interesado, palihug itanyag ang Ginapatuman nga brosyur. Nobiembre: Itanyag ang libro nga Magtuon Gikan sa Daku nga Manunudlo. Kon ang tagbalay magsiling nga wala sila sing kabataan, itanyag ang Ihibalo nga libro ukon ang tract nga Luyag Mo Bala Madugangan ang Imo Nahibaluan sa Biblia?

◼ Ang nagadumala nga manugtatap ukon ang isa nga iya gintangduan dapat mag-awdit sang kuenta sang kongregasyon sa Septiembre 1 ukon pagkatapos kon posible. Kon matapos na, ipahibalo ini sa kongregasyon.

◼ Ang tuigan nga pag-imbentaryo sang tanan nga literatura kag magasin nga ginahuptan dapat himuon sa Agosto 31, 2005 ukon antes sini kon posible. Ini nga imbentaryo kaanggid sa ginahimo nga pag-isip sang manugpahituhog sang literatura kada bulan, kag ang kabug-usan dapat isulat sa Literature Inventory nga pormas (S-18). Ang kadamuon sang magasin nga ginahuptan dapat hibaluon sa (mga) alagad sa magasin. Ang sekretaryo sang nagapahituhog nga kongregasyon amo ang dapat nga magadumala sang imbentaryo. Sia kag ang nagadumala nga manugtatap sang nagapahituhog nga kongregasyon ang magapirma sa pormas. Ang tagsa ka nagapahituhog nga kongregasyon makabaton sing tatlo ka Literature Inventory nga pormas (S-18) upod sang kuenta sa Hunyo. Palihug ipadala sa sanga talatapan ang orihinal nga indi maglampas sa Septiembre 6. Tipigi ang isa ka kopya para sa inyo kongregasyon. Ang ikatlo nga kopya sarang magamit subong listahan.

◼ Ang tagsa ka kongregasyon makabaton sing duha ka kopya sang Congregation Analysis Report (S-10) nga nalakip sa kuenta sa Hunyo. Sulatan sang sekretaryo sang kongregasyon ini nga pormas sing sibu kag mahipid, pagkatapos dapat ini usisaon sing maayo sang komite sa pag-alagad. Sa likod sini nga pormas, ilista ang tanan nga regular payunir, ilista man ang ila kabilugan nga oras sa bug-os nga tuig sang pag-alagad. Ang orihinal nga pormas dapat ipadala sa sanga talatapan sa Septiembre 6. Tipigi ang isa ka kopya para sa inyo kongregasyon.

◼ Dapat ipadala na subong sa sanga talatapan ang mga order para sa Pag-usisa sa Kasulatan sa Adlaw-adlaw—2006 kag ang 2006 Calendar. Ipadala namon ang isa ka pinasahi nga pormas para sa sini upod sa kuenta sa Hunyo. Kon madamo nga kongregasyon ang nagagamit sang isa lang ka Kingdom Hall, tipunon ang mga order sang tagsa ka kongregasyon sang manugpahituhog sang literatura kag tingubon sa isa ka pormas kag dapat mabaton na sang sanga talatapan sa Agosto 15, 2005.

◼ Bag-o nga DVD nga Matigayon:

Young People Ask: What Will I Do With My Life? sa DVD—⁠⁠Ingles