Mga Pahibalo

◼ Tanyag nga literatura sa Marso: Itanyag ang Ginatudlo Sang Biblia nga libro kag manikasog gid nga makasugod sing mga pagtuon sa Biblia. Abril kag Mayo: Itanyag ang indibiduwal nga mga kopya sang Ang Lalantawan kag Magmata! Kon nagaduaw liwat sa mga interesado, lakip sa mga nagtambong sa Memoryal apang wala pa nagapakig-upod sing aktibo sa kongregasyon, tinguhai nga mapahamtangan sila sing Ginatudlo Sang Biblia nga libro nga may tulumuron nga masugdan sila sing pagtuon sa Biblia. Hunyo: Itanyag ang Kalipay sa Pamilya nga libro.

◼ Ginapalig-on namon ang tanan nga nagahunahuna mag-auxiliary payunir sa Abril nga magplano na karon kag ihatag sing temprano ang ila mga aplikasyon. Magabulig ini sa mga gulang nga maghimo sing kinahanglanon nga mga kahimusan sa pag-alagad sa latagon kag maghanda sing bastante nga mga magasin para ila magamit. Ang mga ngalan sang gin-aprobahan nga mag-auxiliary payunir dapat ipahibalo sa kongregasyon agod mapalig-on ang iban nga updan sila sa sining pinasahi nga bulan sang pagpanghikot.

◼ Ginapalig-on ang tanan nga basahon ang ginrekomendar nga bahin sang Biblia nga gin-iskedyul sa 2007 Calendar kag sa Pag-usisa sa Kasulatan Adlaw-adlaw, nga magasugod sa Mierkoles, Marso 28 kag magapadayon tubtob sa Martes, Abril 3, 2007. Mga hitabo ini may kaangtanan sa katapusan nga mga adlaw ni Jesus sa duta kutob sa Nisan 9 tubtob 14, 33 C.E.

◼ Sa pag-awdit sang kuenta sa sini nga bulan subong sang ginpahibalo sa Pebrero nga Ang Aton Ministeryo sa Ginharian, dapat pat-uron sang nagadumala nga manugtatap nga ma-awdit pati ang mga bulan sang Disiembre, Enero, kag Pebrero.—Tan-awa ang Instructions for Congregation Accounting (S-27).

◼ Dapat ipagua gilayon sang mga kongregasyon ang bag-o nga mga gua sang Ang Lalantawan kag Magmata! pagkabaton sini. Makabulig ini sa mga manugbantala nga mangin pamilyar nga daan sa kaundan sang magasin antes nila ini itanyag sa pag-alagad sa latagon. Dapat man ipanagtag gilayon Ang Aton Ministeryo sa Ginharian pag-abot sini. Mahimo ini ipanagtag paagi sa kahimusan sang Pagtinuon Sang Kongregasyon sa Libro.

◼ Kon magalakbay kamo sa iban nga pungsod kag kinahanglan ninyo magtambong sa mga miting sang kongregasyon, asambleya, ukon distrito nga kombension didto, dapat magsulat kamo sa sanga talatapan nga nagadumala sa hilikuton sa sina nga pungsod agod mangayo sing impormasyon tuhoy sa petsa, tion, kag lokasyon. Ang adres sang mga sanga talatapan nalista sa katapusan nga pahina sang bag-o nga Tuigan nga Libro.

◼ Bag-ong Publikasyon nga Matigayon:

New World Translation of the Holy Scriptures (Soft-cover edition)—Cebuano