Mga Pahanumdom Para sa Distrito nga Kombension

◼ Iskedyul sang Programa: Ang programa sa tatlo ka adlaw magasugod sa 8:20 sang aga. Kon magtokar na ang musika, dapat magpungko na kita agod mangin dungganon ang pagsugod sang programa. Ang programa magahinakop sa 4:05 sang hapon sa Biernes kag Sabado kag 4:10 sang hapon sa Domingo.

◼ Palarkingan: Bangod sa masami limitado lamang ang palarkingan, maayo nga magtingob na lang sa isa ka salakyan kon posible.

◼ Pagreserba sing Pulungkuan: Mahimo lamang kamo makareserba sing pulungkuan sa mga kaupod ninyo sa salakyan ukon kaupod sa balay.

◼ Panyaga: Palihug magbalon kamo sing palanyagahon sa baylo nga magbiya pa sa duog nga ginahiwatan sang kombension. Puede kamo magdala sing balunan nga may hustuhan lang nga kadakuon. Apang, ang dalagku nga mga cooler, buluk-on nga mga balunan, kag alkoholiko nga mga ilimnon wala ginatugutan sa pasilidad sang kombension.

◼ Donasyon: Madakudaku nga gasto ang nadalahig sa pag-organisar sing isa ka distrito nga kombension. Mahimo naton mapakita ang aton apresasyon paagi sa boluntaryo nga pag-amot sa bug-os kalibutan nga hilikuton sa aton Kingdom Hall ukon sa kombension. Kon luyag ninyo mag-amot sing tseke para sa kombension, ipangalan ini sa “Watch Tower.”

◼ Pagrekord: Puede ninyo marekord ang programa basta indi lang pag-isaksak ang inyo rekorder sa salaksakan sang koryente sa pasilidad ukon iangot sa sistema sang tunog kag dapat indi ini makatublag sa iban.

◼ Follow-Up Form: Dapat ninyo gamiton ang Please Follow Up (S-43) nga pormas agod matatap ang mga magapakita sing interes nga aton mapanaksihan sing di-pormal sa tion sang kombension. Ang mga manugbantala dapat magdala sing isa ukon duha ka follow-up nga pormas sa kombension. Mahimo ninyo isumiter ang nasulatan nga mga pormas sa Book Room ukon sa sekretaryo sang inyo kongregasyon pagbalik ninyo.—Tan-awa ang Pebrero 2005 nga Ang Aton Ministeryo sa Ginharian, p. 6.