Mga Pahibalo
◼ Tanyag nga literatura sa Nobiembre: Magtuon Gikan sa Daku nga Manunudlo. Kon magsiling ang tagbalay nga wala sila sing anak, itanyag ang Magpadayon sa Pagbantay! nga brosyur. Disiembre: Itanyag ang bisan ano sa masunod nga libro: Ang Pinakabantog nga Tawo nga Nagkabuhi, Mangin Suod kay Jehova, ukon Ang Sekreto Sang Kalipay sa Pamilya. Enero: Itanyag ang bisan anong 192-pahina nga libro nga nabalhag antes sang 1991. Ang mga kongregasyon nga wala sing suplay sini nga libro mahimo magtanyag sang libro nga Ihibalo (kon may suplay) ukon sang brosyur nga Magpadayon sa Pagbantay! Pebrero: Itanyag ang Life—How Did It Get Here? By Evolution or by Creation? ukon ang Kalipay sa Pamilya nga libro.
◼ Sanglit may lima ka Sabado kag lima ka Domingo ang Disiembre, maayo gid ini nga bulan sa pag-auxiliary payunir, bisan pa madamo ang mahimo magtambong sa isa ka distrito nga kombension sa talipuspusan sang semana.
◼ Ang suplemento sa sini nga gua sang Ang Aton Ministeryo sa Ginharian amo ang “Iskedyul Sang Teokratikong Eskwelahan Para sa Ministeryo sa 2008” kag dapat ini tipigan subong reperensia sa bug-os nga 2008.
◼ Ang mga donasyon nga tseke para sa bug-os kalibutan nga hilikuton sa tion sang mga distrito nga kombension kag yadtong direkta nga ginapadala sa sanga talatapan dapat sulatan sing “Watch Tower.”
◼ Ginapalig-on ang tanan nga manugbantala nga wala pa sing durable power of attorney (DPA) nga kard nga dapat magkuha na sang kard kag sulatan ini. Ang DPA nga kard magaamlig sang inyo kinamatarong sa pagdumili sa pagpatughong sing dugo. Puede kamo makapatudlo sa mga gulang sa pagsulat sini.—Tan-awa ang suplemento sang Enero 2007 nga Ang Aton Ministeryo sa Ginharian.
◼ Indi na kinahanglan pa nga magsumiter sang Study Report (S-3) ang mga manugbantala para sa tagsa ka ginadumalahan nila sing pagtuon sa Biblia sa puluy-an kada bulan. Apang, dapat padayon nila nga isulat ang kadamuon sang ila ginadumalahan nga mga pagtuon sa Biblia sa nagakaigo nga kolumna sa Field Service Report (S-4). Ang S-3 nga pormas gamiton na lang sa pagrekord sang mga tumalambong sang mga miting sang kongregasyon.
◼ Pagbag-o Sang Distrito nga Kombension: Ang distrito nga kombension nga hiwaton sa Nubunturan, Compostela Valley isaylo sa Compostela, sa baylo nga sa Nabunturan. Ang petsa Disiembre 21-23, 2007 lang gihapon.