Mga Pahibalo

◼ Tanyag nga literatura sa Agosto: Mahimo itanyag ang bisan ano nga brosyur; apang, maayo nga gamiton ang brosyur nga Ginapatuman, bangod mahimo ini gamiton sa pagsugod sing pagtuon sa Biblia. Septiembre: Ano Gid ang Ginatudlo Sang Biblia? Oktubre: Ang Lalantawan kag Magmata! nga mga magasin. Kon makasapo ka sing interesado gamita sa pagsugod sang pagtuon ang tract nga Luyag Mo Bala Mahibaluan ang Kamatuoran? Nobiembre: Ano Gid ang Ginatudlo Sang Biblia?

◼ Ang kada kongregasyon makabaton sing duha ka kopya sang Congregation Analysis Report (S-10) upod sa ila bulanan nga kuenta. Sulatan sang sekretaryo sang kongregasyon ini nga pormas sing sibu kag mahipid, pagkatapos dapat ini usisaon sang komite sang pag-alagad. Sa likod sini nga pormas, ilista ang tanan nga payunir kag ang ila kabilugan nga oras sa bug-os nga tuig sang pag-alagad. Ipadala ang orihinal nga pormas sa sanga talatapan sa Septiembre 6, 2009. Tagua ang isa ka kopya para sa inyo kongregasyon.

◼ Dapat ipadala na subong sa sanga talatapan ang mga order sang Pag-usisa sa Kasulatan Adlaw-adlaw—2010 kag 2010 Calendar. Ipadala namon ang pinasahi nga pormas para sa sini upod sa bulanan nga kuenta. Dapat napadala na ini sa sanga talatapan sa Agosto 15, 2009.

◼ Sugod sa Septiembre, ang mga manugtatap sang sirkito magahatag sing pamulongpulong nga may tig-ulo “Ang Pagkabanhaw—Kon Ngaa Dapat Mangin Matuod Ini nga Paglaum sa Imo.”