Repaso sa Teokratikong Eskwelahan Para sa Ministeryo

Ang masunod nga mga pamangkot binagbinagon sa Teokratikong Eskwelahan Para sa Ministeryo sa semana sang Agosto 31, 2009. Dumalahan sang manugtatap sang eskwelahan ang 20-minutos nga repaso pasad sa materyal nga gintuptupan sa mga asaynment para sa mga semana sang Hulyo 6 tubtob Agosto 31, 2009.

1. Ngaa ginasilutan sing kamatayon ang bisan sin-o nga “nagapakamalaut” sa iya mga ginikanan? (Lev. 20:9) [w04 5/15 p. 24 par. 6]

2. Bangod ginapatuman nga ang tanan nga lalaki nga Israelinhon dapat magtambong sa Piesta sang Tinapay nga Walay Tapay, sin-o ang nagaani sang nahaunang mga bunga sang halad nga sebada? (Lev. 23:5, 11) [w07 7/15 p. 26 par. 3]

3. Ano ang ginalandong sang Jubileo nga tuig? (Lev. 25:10, 11) [w04 7/15 p. 26-27]

4. Ang “mga tanda” bala nga ginsambit sa Numeros 2:2 may relihioso nga kahulugan sa Israel? [w02 9/15 p. 21 par. 4]

5. Ano nga panimuot ang ginapakita sang bug-os nga mga manugbantala sang Ginharian karon nga pareho sa panimuot sang mga Nazareo sang dumaan nga Israel? (Num. 6:3, 5, 6) [w04 8/1 p. 24-25]

6. Ano nga mga prinsipio sang kasuguan parte sa pagretiro sang mga Levinhon ang naaplikar sa mga alagad ni Jehova karon? (Num. 8:25, 26) [w04 8/1 p. 25 par. 1]

7. Paano ginpabutyag sang mga Israelinhon ang ila “makagod nga handum,” kag ano ang matun-an sa sini sang mga Cristiano karon? (Num. 11:4, NW) [w01 6/15 p. 14-15; w95 3/1 p. 15 par. 10]

8. Ngaa si Miriam lang ang gin-aro, kag ano nga importante nga leksion ang matun-an naton sa sini? (Num. 12:9-11) [w04 8/1 p. 26 par. 2; it-2-E p. 415 par. 1]

9. Ano ang buot silingon nanday Josue kag Caleb sang ginpatuhuyan nila ang mga Canaanhon subong “kalan-on”? (Num. 14:9) [w06 10/1 p. 16 par. 5; it-1-E p. 363-364]

10. Ano ang nagapaandam nga halimbawa ang ginhatag sang Numeros 21:5? [w99 8/15 p. 26-27]