Mga Pahibalo

◼ Tanyag nga literatura sa Marso: Ano Gid ang Ginatudlo Sang Biblia? Abril kag Mayo: Ang Lalantawan kag Magmata! Hunyo: Ano Gid ang Ginatudlo Sang Biblia?

◼ Dapat i-awdit sang isa nga gintangdo sang koordenitor sang hubon sang mga gulang ang kuenta sang kongregasyon sa bulan sang Disiembre, Enero, kag Pebrero.

◼ Ang Memoryal pagahiwaton sa Martes, Marso 30, 2010. Ang mga ambahanon nga pagagamiton sa Memoryal amo ang numero 8 kag 109 sa aton bag-o nga songbook. Kon Martes ang miting sang inyo kongregasyon, dapat tinguhaan nga mahiwat ang inyo miting sa iban nga adlaw sa sina nga semana. Kon madamo nga kongregasyon ang nagagamit sang Kingdom Hall kag indi mahiwat ang miting sa iban nga adlaw, mahimo ini kanselahon. Ang mga bahin sa Miting sa Serbisyo nga maaplikar sa inyo kongregasyon mahimo ilakip sa masunod nga Miting sa Serbisyo.

◼ Ang mga interesado nga magtambong sa Memoryal mahimo hatagan sing pinasahi nga gua sang Abril 1, 2010, nga Ang Lalantawan. Mapadala sing dugang nga suplay sini nga magasin ang sanga talatapan luwas sa regular nga order.