Makasugod Ka Bala sing Pagtuon sa Biblia sa Oktubre?
1 Ang tanyag sa Oktubre amo ang magasin nga Ang Lalantawan kag Magmata! Para matatap ang mga interesado, ginapalig-on kita nga ipresentar ang tract nga Luyag Mo Bala Mahibaluan ang Kamatuoran? kag tinguhai nga makasugod sing pagtuon sa Biblia. Paano naton ina mahimo sa pagduaw liwat?
2 Kon Paano Gamiton ang Tract: Mahimo kita magsiling: “Ang mga magasin nga ginbilin ko sa imo nagapalig-on sa tanan nga sahi sang tawo sa pag-usisa sa Biblia ano man ang ila relihion. [Ihatag sa tagbalay ang tract, kag patuhuyi ang mga pamangkot sa una nga pahina.] Yari ang pila ka makapainteres nga mga pamangkot nga maathag nga ginasabat sang Biblia. Napamangkot mo na bala ang isa sa sini?” Kon makasabat na ang tagbalay, binagbinaga upod sa iya ang sabat sa tract parte sa iya pamangkot, kag basaha ang isa ka nakutlo nga teksto. Nian ipaathag nga halimbawa lamang ini sang mga ginatudlo sang Biblia, kag ihatag sa iya ang Ginatudlo Sang Biblia nga libro. Pagkatapos, mahimo naton binagbinagon ang nagabukas nga mga parapo sa kapitulo nga iya ginpili gikan sa kaundan. Ukon mahimo naton buksan ang libro sa pahina nga nagabinagbinag pa gid sa topiko nga inyo ginhinun-anunan sa tract. Yari ang mga reperensia nga mahimo naton magamit:
● Nagaulikid gid bala ang Dios sa aton? (p. 9-11, par. 6-10)
● Madula pa ayhan ang inaway kag pag-antos? (p. 12, par. 12-13)
● Ano ang nagakatabo kon mapatay kita? (p. 59-60, par. 7-8)
● Mabuhi pa bala liwat ang mga patay? (p. 71, par. 13-15)
● Ginapamatian bala sang Dios ang akon pangamuyo? (p. 166-167, par. 5-8)
● Paano ko matigayon ang matuod nga kalipay? (p. 9, par. 4-5)
3 Siempre pa, kon indi magtugot ang mga kahimtangan nga makasugod kita kag makapasundayag sing pagtuon sa libro nga Ginatudlo Sang Biblia sa una nga pagduaw liwat, mahimo naton sia duawon liwat para mapadayon ang paghinun-anon. Depende sa interes sang tawo, mahimo naton mabinagbinag ang kapin sa isa ka pamangkot sa tract sa pila ka pagduaw antes gamiton ang libro. Kabay pa nga gamiton naton sing maayo ining mapuslanon nga tract sa bulan sang Oktubre sa pagsugod sing pagtuon sa Biblia kag pagbulig sa mga interesado nga ‘mahibaluan ang kamatuoran.’—Juan 8:31, 32.
[Mga Pamangkot sa Pagtinuon]
1. Ano ang tanyag sa Oktubre?
2. Paano naton magamit ang Mahibaluan ang Kamatuoran nga tract sa pagsugod sing pagtuon sa Biblia kon nagaduaw liwat sa isa nga nagbaton sing mga magasin?
3. Paano naton mapahisuno ang aton pamaagi sa kahimtangan sang tagbalay?