Repaso sa Teokratikong Eskwelahan Para sa Ministeryo

Ang masunod nga mga pamangkot pagabinagbinagon sa Teokratikong Eskwelahan Para sa Ministeryo sa semana sugod sa Disiembre 26, 2011.

1. Paano ang laygay sa Hulubaton 30:32 makabulig sa aton nga malikawan nga mapaakig pa gid ang isa nga aton nasaklaw? [w87 5/15 p. 30 par. 11]

2. Ano nga sahi sang “kasadya” ang nagapabatyag sa isa nga wala gihapon naayawan? (Man. 2:1) [g 4/06 p. 6 par. 1-2]

3. Bisan pa ang iban nagasiling nga ang pinamulong ni Solomon sa Manugwali 3:1-9 nagasakdag sa pagpati sa kapalaran, paano ini gin-athag sa iya ginsulat sa Manugwali 9:11 nga nagapakita nga ang tanan nga nagakatabo wala gintalana sang kapalaran? [w09 3/1 p. 4 par. 4]

4. Ano ang katalagman sang ‘paglakas katarung’? (Man. 7:16) [w10 10/15 p. 9 par. 8-9]

5. Paano ang Ambahanon ni Solomon 2:7 nagapakita nga indi dapat magpadasudaso sa pagpili sang tiayon ang mga nagaplano magminyo? [w06 11/15 p. 19 par. 1; w80-E 4/15 p. 19 par. 7]

6. Ano ang talalupangdon sa “mga bibig [sang Shulamita nga] nagatulo subong sang uludlan sang dugos” kag sa ‘dugos kag gatas nga yara sa idalom sang iya dila’? (Amb. 4:11) [w06 11/15 p. 19 par. 6]

7. Paano ang mga titulo nga “Makatilingala nga Manuglaygay,” “Dios nga Gamhanan,” kag “Amay nga Nagapadayon” nagabulig sa aton nga mabal-an ang tuhoy sa mga kinaiya ni Jesus kag sa iya paggahom sa bag-o nga kalibutan? (Isa. 9:6) [w91 4/15 p. 5 par. 7]

8. Sin-o sa karon ang mapaanggid sa apostata nga pungsod sang Israel, kag sin-o ang gamiton ni Jehova subong “bilogon” sa paglaglag sini? (Isa. 10:5, 6) [ip-1 p. 145 par. 4-5; p. 153 par. 20]

9. Ngaa talalupangdon gid ang tagna ni Isaias nga ang Babilonia ‘indi na pagtawohan,’ kag ano ang ginapasalig sa aton karon sang katumanan sini? (Isa. 13:19, 20) [g 11/07 p. 9 par. 4-5]

10. San-o nabaton ni Jesus ang “yabi sang balay ni David,” kag paano niya ini gingamit? (Isa. 22:22) [w09 1/15 p. 31 par. 2]