Mga Pahibalo

◼ Tanyag nga literatura sa Disiembre: Ang Pinakabantog nga Tawo nga Nagkabuhi. Kon may kabataan sa panimalay, itanyag ang Magtuon Gikan sa Daku nga Manunudlo ukon Ang Akon Libro Sang mga Sugilanon sa Biblia. Enero: Ano Gid ang Ginatudlo Sang Biblia? Tinguhai nga makasugod sang pagtuon sa Biblia sa una nga pagduaw. Kon may libro na ang tagbalay ukon indi magbaton sing pagtuon sa Biblia, mahimo itanyag ang daan nga magasin ukon ang bisan ano nga brosyur nga makapainteres sa iya. Pebrero: Itanyag ang isa sa masunod: Is There a Creator Who Cares About You?, Ang Sekreto Sang Kalipay sa Pamilya, The Bible—God’s Word or Man’s? Marso: Ano Gid ang Ginatudlo Sang Biblia?

◼ Dapat i-awdit sang isa nga gintangdo sang koordenitor sang hubon sang mga gulang ang kuenta sang kongregasyon sa bulan sang Septiembre, Oktubre, kag Nobiembre. Tan-awa ang Instructions for Congregation Accounting (S-27).

◼ 2012 Tuigan nga Teksto: “Ang imo pulong kamatuoran.”—Juan 17:17. Dapat maghimo sing kahimusan ang tanan nga kongregasyon nga mabutang ang bag-o nga tuigan nga teksto sa ila Kingdom Hall sa Enero 1, 2012.

◼ Pinasahi nga Pamulongpulong: Ang tig-ulo sang pinasahi nga pamulongpulong publiko nga hiwaton sa semana sang Abril 2, 2012 amo, “Ginahunahuna Mo Bala nga Malayo Pa ang Katapusan?” Wala sing kongregasyon ang dapat maghiwat sang pinasahi nga pamulongpulong antes sang Memoryal sa Abril 5.