Mga Pahibalo

◼ Tanyag nga literatura sa Marso: Ano Gid ang Ginatudlo Sang Biblia? Abril kag Mayo: Ang Lalantawan kag Magmata! Hunyo: Ano Gid ang Ginatudlo Sang Biblia?

◼ Ang Memoryal pagahiwaton sa Huebes, Abril 5, 2012. Kon Huebes ang miting sang inyo kongregasyon, isaylo ini sa iban nga adlaw sang semana nga wala sing nagagamit sang Kingdom Hall. Kon indi ini puede, ang mga bahin nga maaplikar sa inyo kongregasyon mahimo ilakip sa masunod nga Miting sa Serbisyo.

◼ Ang duha ka Young People Ask nga video nga, How Can I Make Real Friends? kag What Will I Do With My Life?, pagabinagbinagon sa mga Miting sa Serbisyo sa palaabuton. Kon kinahanglan ninyo ang mga kopya sini, dapat mangabay gilayon paagi sa kongregasyon.

◼ Kon nagaplano ka nga magkadto sa isa ka pungsod nga wala nalista sa bag-o nga report sang tuig sa pag-alagad ukon sa katapusan nga pahina sang pinakabag-o nga Tuigan nga Libro, palihug kontaka ang inyo sanga talatapan agod hibaluon kon ano nga paghalong ukon pinasahi nga mga instruksion ang dapat sundon. Ang hilikuton sa Ginharian sa sina nga lugar mahimo nga ginadumilian. (Mat. 10:16) Sa pila ka pungsod, wala ginapanugyan nga makig-angot ang mga bisita sa lokal nga mga Saksi ukon sa mga kongregasyon. Mahimo may iban pa nga direksion nga ihatag sa imo tuhoy sa indi pormal nga pagpanaksi ukon sa pagdala sang mga literatura. Malikawan mo nga magkaproblema ikaw kag ang hilikuton sang Ginharian kon sundon mo ini nga mga panugda sa pungsod nga imo kadtuan.—1 Cor. 14:33, 40.