Ano ang Imo Himuon Kon Piesta Opisyal?

Bangod madamo nga tawo ang wala sing trabaho kon piesta opisyal, masami nga maayo gid ini nga tion nga makigbahin kita sa ministeryo. Ginapalig-on ang mga kongregasyon nga maghimo sing pinasahi nga mga kahimusan para sa pagpanaksi kon piesta opisyal. Kon ang kalabanan sa teritoryo adlaw na magbugtaw sa sina nga tion, mas maayo nga bag-uhon ang oras sang miting para sa pag-alagad sa latagon. Mahimo ipahibalo sa Miting sa Serbisyo ang pinasahi nga mga kahimusan sang kongregasyon para sa pagpanaksi sa tion sang piesta opisyal kag palig-unon ang tanan nga makigbahin. Siempre, kon piesta opisyal tion man ini para makapahuway kita ukon mag-atipan sang personal nga mga butang. Pero mas maayo nga magpain kita sing tion para sa ministeryo. Paagi sini, mabatyagan naton ang kalipay bangod nakigbahin kita sa sagrado nga pag-alagad.—Mat. 11:29, 30.