Pagpauswag sang Aton Ikasarang sa Ministeryo​—Paglab-ot sa Tagipusuon Paagi sa Magpabilin Kamo sa Gugma sang Dios

KON NGAA IMPORTANTE: Dapat nga tun-an sang mga tawo ang mga talaksan ni Jehova kag sundon ini para batunon niya ang ila pagsimba. (Isa 2:3, 4) Ang libro nga Gugma sang Dios, ang ikaduha nga libro nga aton ginatun-an, nagabulig sa mga estudyante sa Biblia nga mahangpan kon paano maaplikar sa adlaw-adlaw nga kabuhi ang mga prinsipio sang Dios. (Heb 5:14) Dapat naton tinguhaan nga lab-uton ang ila tagipusuon kon ginatudluan naton sila para mapahulag sila nga maghimo sing mga pagbag-o.—Ro 6:17.

KON PAANO INI HIMUON:

• Maghanda sing maayo kag hunahunaa ang mga kinahanglanon sang imo estudyante. Maghimo sing makapahunahuna nga mga pamangkot nga makabulig para mabal-an mo kon ano gid ang iya ginahunahuna kag ginabatyag parte sa inyo ginatun-an.—Hul 20:5; be 259

• Gamita ang mga kahon sa libro para buligan ang imo estudyante nga makita ang kapuslanan sang pag-aplikar sang mga prinsipio sang Biblia

• Buligi ang imo estudyante nga mangatarungan sa mga butang nga nadalahig ang konsiensia, pero indi maghimo sing desisyon para sa iya.—Ga 6:5

• Mataktikanhon nga hibalua kon bala kinahanglan mo buligan ang imo estudyante nga maaplikar ang pila ka prinsipio sang Biblia. Mainayuhon nga palig-una sia nga maghimo sing mga pagbag-o bangod sang iya gugma kay Jehova.—Hul 27:11; Ju 14:31