Mga Ambahanon sang Ginharian nga Nagahatag sing Kaisog

Sang napriso sanday Pablo kag Silas, gindayaw nila ang Dios paagi sa ambahanon. (Bin 16:25) Ang pila sang aton mga kauturan nagkanta man sing mga ambahanon sang Ginharian sang ato sila sa kampo konsentrasyon sa Sachsenhausen sa Nazi Germany kag sang gintapok sila sa Siberia. Ginapakita sini nga ang mga ambahanon makahatag sing kaisog sa mga Cristiano nga nagaatubang sing pagtilaw.

Sa indi madugay, madamo nga lenguahe ang makatigayon sang bag-o nga songbook nga “Mag-amba nga May Kasadya kay Jehova.” Kon ara na ini, praktison naton ang mga kanta sa aton pangpamilya nga pagsimba para masaulo naton. (Efe 5:19) Kon mag-abot ang pagtilaw, ang balaan nga espiritu magabulig sa aton nga madumduman ang mga liriko. Ang mga ambahanon sang Ginharian makabulig sa aton nga magpokus sa aton paglaum. Nagapabakod ini sa aton kon may pagtilaw. Pero bisan wala man sing pagtilaw, ang makapalig-on nga mga liriko magapahulag sa aton nga ‘mag-amba nga may kasadya’ bangod sa maayo nga kahimtangan sang aton tagipusuon. (1Cr 15:16; Sa 33:1-3) Gani, kantahon gid naton ang aton mga ambahanon sang Ginharian!

TAN-AWA ANG VIDEO NGA ANG AMBAHANON NGA NAGPALIG-ON SA MGA TRABAHADOR. DAYON, SABTI ANG MASUNOD NGA MGA PAMANGKOT:

• Ngaa nagkomposo sing ambahanon si Brother Frost?

• Paano napabakod sang ambahanon ang mga kauturan sa kampo konsentrasyon sa Sachsenhausen?

• Sa ano nga mga sitwasyon adlaw-adlaw nga mahimo mapabakod ka sang mga ambahanon sang Ginharian?

• Ano nga mga ambahanon sang Ginharian ang gusto mo sauluhon?