Maayo nga Paggawi Kon Ara sa Puertahan

Ang mga Cristiano ‘ginatan-aw sang bug-os nga kalibutan.’ (1Co 4:9) Gani, indi katingalahan kon may mga tagbalay nga nagapanilag sa aton sa ila bintana ukon nagapamati sa aton sa likod sang ila puertahan. Basi gani may security camera pa kag mikropono sa ila balay amo nga mahimo nila makita, mabatian, ukon marekord ang aton ginahimo. Ari ang pila ka paagi nga mapakita naton ang maayo nga paggawi kon ara sa puertahan.—2Co 6:3.

PAAGI SA IMO PAGGAWI (Fil 1:27):

• Bilang respeto sa tagbalay, indi ka maglingling sa ila balay. Indi magkaon, mag-inom, magtawag sa cellphone, ukon mag-text kon ara ka sa puertahan

PAAGI SA IMO PANGHAMBAL (Efe 4:29):

• Samtang ara sa puertahan, indi maghambal sang bisan ano nga indi mo gusto mabatian sang tagbalay. Ang iban nga mga manugbantala nagauntat anay sa pag-istoryahanay para makahanda sila sang ila inughambal

Ano pa ang iban nga paagi nga mapakita mo ang maayo nga paggawi kon ara ka sa puertahan?