Pagpauswag sang Aton Ikasarang sa Ministeryo—Pagtudlo sa Aton mga Estudyante nga Maghanda

KON NGAA IMPORTANTE: Kon nagahanda ang mga estudyante sa Biblia, mas madali nila maintiendihan kag madumduman ang ginatudlo naton sa ila. Kon naintiendihan nila kag nadumduman ini, mas madasig man ang ila pag-uswag. Bisan pa nabawtismuhan na sila, kinahanglan nila maghanda para sa mga miting kag sa ministeryo agod ‘makapadayon sila sa pagbantay.’ (Mat 25:13) Makabenepisyo gid sila kon mabal-an nila kon paano magtuon kag kon may maayo sila nga rutina sa pagtuon. Gani sa umpisa pa lang, buligan naton ang aton mga estudyante nga mapalambo ang batasan sa paghanda sa ila pagtuon sa Biblia.

KON PAANO INI HIMUON:

• 

  Mangin maayo nga halimbawa. (Ro 2:21) Handai ang kada pagtuon nga ginahunahuna ang estudyante. (km 11/15 3) Ipakita sa iya ang imo publikasyon nga may mga kurit

• 

  Palig-una sia nga maghanda. Kon regular na ang inyo pagtuon, hambala sia nga bahin sang pagtuon sa Biblia ang paghanda, kag ipaathag sa iya ang mga benepisyo. Maghatag sing praktikal nga mga panugda kon paano sia makakita sing tion para makahanda. May bes nga ginapagamit sang iban nga manugbantala ang ila mismo publikasyon nga may kurit sa ila estudyante para buligan ang estudyante nga makita ang benepisyo. Hatagi sia sing komendasyon kon nakahanda sia

• Ipakita sa iya kon paano maghanda. Kon bag-uhan pa lang ang estudyante, ginagamit sang pila ka manugbantala ang isa ka sesyon sa pagtuon para tudluan ang estudyante kon paano maghanda sa isa ka leksion