Padayon nga Nagahulat nga May Pagbatas

Daw ano kadugay mo na nga ginahulat ang pag-abot sang Ginharian sang Dios? Mapinasensiahon ka bala nga nagabatas bisan pa may mga kabudlayan? (Ro 8:25) Ang pila ka Cristiano nakaeksperiensia sang pagdumot, pagmaltrato, pagkapriso, kag kon kaisa nabutang sa katalagman ang ila kabuhi. Madamo man ang nagaatubang sang mga pagtilaw pareho sang malala nga balatian ukon pagtigulang.

Ano ang makabulig sa aton nga maghulat bisan pa nagaatubang kita sing mga pagtilaw? Dapat naton pabakuron ang aton pagtuo paagi sa pagbasa sa Biblia adlaw-adlaw kag pagpamalandong. Dapat kita magpokus sa aton paglaum. (2Co 4:16-18; Heb 12:2) Dapat kita mag-ampo kay Jehova sa pangamuyo kag mangabay nga hatagan kita sang kusog sang iya balaan nga espiritu. (Lu 11:10, 13; Heb 5:7) Ang aton mahigugmaon nga Amay makabulig sa aton nga ‘makabatas nga may pagpailob kag kalipay.’—Col 1:11.

TAN-AWA ANG VIDEO NGA DAPAT “MAGDALAGAN KITA NGA MAY PAGBATAS”—MAGSALIG NGA MATIGAYON ANG PADYA, DAYON SABTI ANG MASUNOD NGA MGA PAMANGKOT:

• 

  Ano ang “wala ginapaabot nga hitabo” nga mahimo mag-abot sa aton kabuhi? (Man 9:11)

• 

  Paano makabulig sa aton ang pangamuyo kon nagaatubang kita sang mga pagtilaw?

• 

  Kon ang aton mahimo subong sa pag-alagad kay Jehova indi na pareho sa masarangan naton sadto, ngaa dapat kita magpokus sa mahimo pa naton?

• 

  Ano ang makabulig sa imo nga padayon nga magsalig nga matigayon mo ang padya?