Ano ang Matun-an Mo sa Madugay Na nga mga Cristiano?

Sa aton kongregasyon may mga kauturan kita nga madugay na nga nagaalagad kay Jehova. Makatuon kita sa ila mabakod nga pagsalig kay Jehova. Mahimo naton sila pamangkuton parte sa kasaysayan sang organisasyon ni Jehova kag sa mga kabudlayan nga ila nalampuwasan sa bulig ni Jehova. Puede naton imbitahon ang isa sa ila nga magsugid sang ila mga eksperiensia sa aton Pangpamilya nga Pagsimba.

Kon madugay ka na nga nagaalagad kay Jehova, sugiri ang mga bataon nga Cristiano kon paano ka ginbuligan ni Jehova. Ginsugid nanday Jacob kag Jose ang ila eksperiensia sa ila mga kaliwat. (Ge 48:21, 22; 50:24, 25) Sang ulihi ginsugo ni Jehova ang mga ulo sang pamilya nga tudluan ang ila kabataan parte sa iya dalayawon nga mga hinimuan. (Deu 4:9, 10; Sa 78:4-7) Sa karon, puede man isugid sang mga ginikanan kag sang iban sa kongregasyon ang dalayawon nga mga butang nga ginhimo ni Jehova paagi sa iya organisasyon sa mga bataon.

TAN-AWA ANG VIDEO NGA PAGPABILIN NGA NAHIUSA BISAN SANG PAGDUMILI, DAYON SABTI ANG MASUNOD NGA MGA PAMANGKOT:

• Paano ginbuligan sang sanga sa Austria ang aton mga kauturan sa pila ka pungsod nga ginadumilian ang aton hilikuton?

• Paano ginapabakod sang mga kauturan sa sini nga mga pungsod ang ila pagtuo?

• Ngaa madamo nga manugbantala sa Romania ang nagbiya sa organisasyon ni Jehova, kag paano sila nagbalik?

• Paano napabakod sini nga mga eksperiensia ang imo pagtuo?