Mahatag Mo Bala ang Imo Tion kag Kusog?

Pareho sang gintagna ni Isaias, makita naton subong ang daku nga pag-uswag sang organisasyon ni Jehova diri sa duta. (Isa 54:2) Gani kinahanglan sang bag-o nga mga Kingdom Hall, Assembly Hall, kag sanga talatapan. Sa tapos ini matukod, kinahanglan ini sang pagmentinar, kag ang iban naman kinahanglan kay-uhon. Paano naton mahatag ang aton tion kag kusog para kay Jehova paagi sa sini nga mga ulubrahon?

• Makabulig kita sa pagtinlo sang Kingdom Hall sa tion sang iskedyul sang aton grupo sa pag-alagad

• Puede kita makaboluntaryo kon may ara sing paghanas sa pagmentinar sang aton Kingdom Hall

• Puede kita magpil-ap sang Local Design/Construction Volunteer Application (DC-50) para makabulig kita sa pagtukod kag pagmentinar kon may mga proyekto nga malapit sa aton lugar

• Puede kita magpil-ap sang Application for Volunteer Program (A-19) kag magboluntaryo sa pagbulig sing isa ka semana ukon sobra pa sa Bethel ukon sa iban pa nga pasilidad sang sanga nga sakop sang teritoryo sang aton sanga

TAN-AWA ANG VIDEO NGA MAY GINAPLANO NGA BAG-O NGA CONSTRUCTION PROJECT—PORSYON LANG SANG VIDEO, DAYON SABTI ANG MASUNOD NGA MGA PAMANGKOT:

• Ngaa makasiling kita nga mas madamo kita sing ginagamit nga video subong sugod sang 2014?

• Bangod nagadamo na gid ang aton himuon nga video, ano nga proyekto ang plano nga tukuron, kag san-o ang plano sini nga sugdan kag daw ano kadugay matapos?

• Paano makabulig ang mga boluntaryo sa sini nga proyekto?

• Kon gusto naton magbulig sa proyekto sa Ramapo, ngaa dapat naton pil-apan ang application (DC-50) kag magbulig sa mga proyekto sang Local Design/Construction nga malapit sa aton?

• Ano ang ebidensia nga ginagiyahan gid ni Jehova ini nga proyekto?

• Paano kita makabulig sa sini nga proyekto bisan pa indi kita personal nga makabulig sa pagtukod?