Mga Pamatan-on—Si Jehova Bala ang Inyo Best Friend?

Ano nga mga kinaiya ang gusto mo sa isa ka abyan? Mahimo nanamian ka kon mainunungon sia, mainayuhon, kag maalwan. Ari gid ini tanan kay Jehova. (Ex 34:6; Bin 14:17) Nagapamati sia kon nagapangamuyo ka sa iya. Ginabuligan ka niya sa tion nga kinahanglan mo ini. (Sa 18:19, 35) Ginapatawad niya ang imo mga sala. (1Ju 1:9) Maayo gid nga Abyan si Jehova, indi bala?

Paano ka mangin abyan ni Jehova? Kilalaha sia paagi sa pagbasa sang iya Pulong. Isugid sa iya ang imo ginabatyag. (Sa 62:8; 142:2) Ipakita nga importante sa imo ang mga butang nga importante kay Jehova, pareho sang iya Anak, iya Ginharian, kag iya mga promisa sa palaabuton. Isugid sa iban ang parte sa iya. (Deu 32:3) Kon tinguhaan mo nga mangin best friend si Jehova, mangin Abyan ka niya asta sa wala sing katapusan.—Sa 73:25, 26, 28.

TAN-AWA ANG VIDEO NGA MGA PAMATAN-ON—“TILAWI NINYO KAG TAN-AWA NGA SI JEHOVA MAAYO,” DAYON SABTI ANG MASUNOD NGA MGA PAMANGKOT:

• 

  Paano mo mahandaan ang dedikasyon kag bawtismo?

• 

  Paano ka mabuligan sang iban sa kongregasyon nga maalagad si Jehova?

• 

  Paano ang pagministeryo makapabakod sang imo kaangtanan kay Jehova?

• 

  Ano nga mga pribilehiyo sa pag-alagad ang puede sa imo?

• Ano ang nanamian mo gid kay Jehova?