Handa Ka Bala nga Mag-aplay sa School for Kingdom Evangelizers?

Nagaedad ka bala sing 23 asta 65 anyos kag nagaalagad sing bug-os tion? Mapagros ka bala, kag makaalagad sa lugar nga daku ang kinahanglanon? Kon huo, nahunahuna mo na bala nga mag-aplay sa School for Kingdom Evangelizers? Halin sang ginsugdan ini nga klase, linibo na ka mag-asawa, soltero, kag dalaga nga kauturan ang nag-aplay. Pero, nagakinahanglan pa kami sing madamo nga aplikante nga soltero nga brother. Ipangamuyo kay Jehova nga dugangan ang imo handum nga pahamut-an sia kag mailog ang iya Anak. (Sa 40:8; Mat 20:28; Heb 10:7) Dayon para makalipikar, binagbinaga ang mga paagi nga mabuhinan ang imo sekular nga obra ukon personal nga mga obligasyon.

Ano nga mga asaynment ang ginahatag sa mga makagradwar sa tapos sila mahanas sa sini nga eskwelahan? Ang pila gin-asayn sa mga lugar nga lain ang lenguahe ukon sa pagpakigbahin sa special metropolitan public witnessing. Ang iban nangin substitute nga manugtatap sang sirkito, manugtatap sang sirkito, ukon mga misyonero. Samtang ginahunahuna mo ang mga posibilidad sang dugang nga pag-alagad kay Jehova, kabay nga mailog mo si propeta Isaias nga nagsiling: “Yari ako! Ipadala ako!”—Isa 6:8.

TAN-AWA ANG VIDEO NGA MGA MISYONERO—MGA MANGANGANI SANG ALANYON, DAYON SABTI ANG MASUNOD NGA MGA PAMANGKOT:

• 

  Paano ginapili ang mga misyonero?

• 

  Ano ang hilikuton sang mga misyonero?

• 

  Ano ang pila ka pagpakamaayo nga nabaton sang mga misyonero?