Talalupangdon nga mga Hitabo sang Nagligad nga Tuig

Gin-inspirar ni Jehova nga Dios si Isaias sa pagtagna: “Sa baylo sang saway magadala ako sing bulawan, kag sa baylo sang salsalon magadala ako sing pilak, sa baylo sang kahoy, saway, kag sa baylo sang bato, salsalon.” (Isa. 60:17) Sang nagligad nga tuig, nakita naton ang pamatuod nga ini nga tagna padayon nga nagakatuman. Nagapakita sing pag-uswag kon ang mahina nga klase sang materyal gin-islan sang maayo nga klase. Sing kaanggid, ang mga Saksi ni Jehova nag-uswag man sa ila mga kahimusan sa organisasyon sa sining tion sang katapusan.—Mat. 24:3.