Ngaa Ginakadtuan Ninyo ang mga Tawo nga May Relihion Na?

Natalupangdan namon nga madamo nga tawo nga may relihion na ang nanamian mag-istorya parte sa Biblia. Siempre, nakahibalo kami nga ang kada isa may lainlain nga pagpati, kag wala namon ginapilit ang amon mensahe sa iban.

Kon nagaistorya parte sa relihion, ginatinguhaan namon nga sundon ang laygay sang Biblia nga mangin ‘malulo’ kag magpakita sing “tudok nga pagtahod” sa amon kaistorya. (1 Pedro 3:15) Nakahibalo kami nga ang iban indi magbaton sang amon mensahe. (Mateo 10:14) Pero, indi namon mahibaluan ang reaksion sang mga tawo kon indi namon sila pag-istoryahon. Isa pa, nagabag-o man ang sitwasyon.

Halimbawa, mahimo nga masako ang isa ka tawo, pero mahimo nga gusto niya mag-istorya sa amon sa iban nga tion. Kag mahimo nga may maatubang sila nga problema ukon sitwasyon nga magapahulag sa ila nga mangin interesado sa mensahe sang Biblia. Amo kon ngaa ginatinguhaan gid namon nga balikan pirme ang mga tawo.