Andorra—Ang Perlas sang Pyrenees

NAGATUNGTONG sa ibabaw sang Kabukiran sang Pyr­e­nees amo ang diutay nga duog sang An­dor­ra, sa ulot sang Pransya kag Espanya. May kadakuon nga 464 kilometro kuwadrado kag may populasyon nga kubos sa 50,000, isa ini sang pinakagamay nga mga pungsod sa kalibutan. Bisan pa Pranses kag Espanyol ang ginahambal, ang opisyal nga hambal amo ang Catalan.

Ang Andorra may kaugalingon nga manuggahom sadto pa sang ikasiam nga siglo, sang mapaidalom ini sa pagkontrol sang obispo sang kaiping nga diocesis sang Urgel. Sa karon, ang An­dor­ra ginagamhan sang Espanyol Katoliko nga obispo sang Urgel kag sang presidente sang Pransya.

Mag-agi ka man sa dulunan sang Pransya ukon sang Espanya, ang An­dor­ra kaangay sa pagtukib sing natago nga hiyas sa tunga sang mataas nga Pyr­e­nees.