Indi Madayondayon nga Mall

ANG isa ka cartoon kasan-o lang sa “Scranton Times,” sang Sacran­ton, Penn­syl­vania, nagkomento nahanungod sa malawig nga pagpalantang sang banwa sa pagkompleto sang mga plano para sa shop­ping mall. Ang isa ka karakter nagasiling sa isa pa: “Daw indi gid maumpisahan ang mall!” nga sa sini ang isa pa nagsabat: “Dapat nila tawgon ini ‘Down­town Mall King­dom Hall!’ Tukuron ina sang mga Saksi ni Jehova sa 3 ka adlaw!”

Sa madamo nga pungsod, kilala na ang mga Saksi ni Jehova bangod sang ila ginatos ka madasig gintukod nga mga King­dom Hall. May yara sila nahanas sing pinasahi nga mga grupo sang manugpatindog kag maayo nga plano. Subong resulta, ang mga King­dom Hall ginatukod halin sa 30 ka oras tubtob sa 4 ka adlaw. Kag natalupangdan ini sang mga tawo.