Gindesinyo Bala Ini?
Ang Batiis sang Seagull
◼Ang seagull wala nagakusog bisan pa nagatindog ini sa yelo. Paano mahuptan sini nga tinuga ang kainit sa iya lawas? Ang sekreto amo ang iya paggamit sang countercurrent heat exchangers.
Binagbinaga: Ang countercurrent heat exchanger may duha ka magkaiping nga tubo, ang isa may unod nga mainit nga likido, ang isa naman mabugnaw. Kon pareho ang direksion sang pag-ilig sang likido, katunga lang nga init ang sarang sini masaylo. Pero kon magkatuhay ang direksion sang pag-ilig sang likido, halos 100 porsiento nga init ang masaylo sini.
Ang pagbayluhanay sang init sa batiis sang seagull, nagapabugnaw sa dugo nga nagapanaug sa tiil, kag nagapainit liwat sa dugo nga nagapabalik sa lawas. Tuhoy sa mga pispis sa matugnaw nga mga duog, ang sientipiko nga nagatuon sa mga pispis nga si Gary Ritchison nagsulat: “Ang prinsipio sang pagbayluhanay sang init tuman gid ka epektibo kag maalamon, amo nga ginagamit man ini sang mga enhinyero sa ila mga proyekto sa pagdesinyo agod malikawan ang pag-uyang sang enerhiya.”
Ano sa banta mo? Natabuan lamang bala ang sistema sang pagbayluhanay sang init sa batiis sang seagull? Ukon gindesinyo gid ini?a
[Nota]
a Ang countercurrent heat exchangers yara man sa mga tawo, sa pila ka isda, kag sa iban pa nga mga kasapatan.
[Diagram/Mga retrato sa pahina 25]
(Para sa aktual nga format, tan-awa ang publikasyon)
Ang pagbayluhanay sang init sa batiis sang seagull nagapainit sa dugo nga nagabalik
[Diagram]
32°C
0-5°C
[Credit Line sang retrato sa pahina 25]
Seagull: © Michael S. Nolan/age fotostock