Ngaa Nagakadula Na ang Respeto sa Sulod sang Pamilya?

KON NGAA IMPORTANTE ANG PAGRESPETO SA SULOD SANG PAMILYA

• Ang libro nga The Seven Principles for Making Marriage Work nagsiling nga kon ginarespeto sang mag-asawa ang kada isa, mapabatyag nila ang ila pagpalangga sa isa kag isa “sa dalagku kag magagmay nga paagi adlaw-adlaw.”

• Base sa research, ang mga bata nga kabalo magrespeto sa iban mas may kompiansa sa ila kaugalingon, may maayo nga relasyon sa ila mga ginikanan, kag makalikaw sa mga problema sa emosyon kag hunahuna.

KON PAANO MO RESPETUHON ANG IMO PAMILYA

Maghimo sang plano upod sa imo pamilya. Una, siguraduha nga naintiendihan sang tanan nga miembro sang inyo pamilya kon paano magpakita sang respeto. Ikaduha, isulat kon ano nga mga batasan ang ginapaabot sa kada miembro sang pamilya kag pati na ang mga batasan nga dapat likawan. Ikatlo, istoryahi ninyo bilang pamilya ang inyo plano para mabal-an sang tanan kon ano ang himuon nila para mapakita ang respeto.

Mangin maayo nga halimbawa. Ginapakalain mo bala ang mga miembro sang imo pamilya kon nakahimo sila sang sala ukon kon lain ang ila opinyon? Ginabalewala mo bala sila ukon nagasaligbat ka kon ginaistorya ka nila?

Tip: Respetuha ang imo asawa ukon bana pati na ang imo kabataan. Indi kinahanglan nga may himuon sila para pakitaan mo sila sang respeto.

Ipakita ang respeto bisan pa wala ka nagaugyon sa iban. Kon ginaistorya mo sila, likawi nga magpadasudaso sa imo ginahambal, pareho sang “pirme ka na lang” ukon “wala ka gid.” Halimbawa, “pirme ka na lang sako” ukon “wala ka gid nagabulig sa akon.” Ini nga mga tinaga makasakit kag makapalain sang buot sang miembro sang imo pamilya kag makapalala sang indi pag-intiendihanay.

KON ANO ANG GINAHIMO SANG MGA SAKSI NI JEHOVA

Ginatudluan sang mga Saksi ni Jehova ang kada miembro sang pamilya kon paano ipakita ang respeto sa isa kag isa. Pirme man ini ginabinagbinag sa mga artikulo, libro, brosyur, kag mga video nga gina-publish namon kag wala ini sing bayad.

PARA SA MGA MAG-ASAWA: Ang serye sang mga artikulo nga Bulig Para sa Pamilya makabulig sa mga bana kag mga asawa nga . . .

• mangin maayo nga manugpamati

• malikawan ang indi pagbugnuhanay

• malikawan ang pagbaisay

(I-search ang “Bulig Para sa Pamilya” sa jw.org)

PARA SA MGA GINIKANAN: Ang serye sang mga artikulo nga Bulig Para sa Pamilya makabulig sa mga ginikanan nga tudluan ang ila kabataan nga . . .

• mangin matinumanon

• magbulig sa mga ulubrahon sa balay

• maghambal sang “palihug” kag “salamat”

(I-search ang “Pagpadaku sa Kabataan” kag “Pagpadaku sa mga Tin-edyer” sa jw.org)

Tan-awa man ang apendise, “Questions Parents Ask,” sa libro nga Questions Young People Ask​—Answers That Work, Volume 1. (I-search ang “Questions Parents Ask” sa jw.org)

PARA SA MGA PAMATAN-ON: Ang seksion nga Tin-edyer kag Bataon nga Adulto sa jw.org may mga artikulo, mga video, kag mga worksheet nga makabulig sa mga pamatan-on nga . . .

• makapakigbagay sa ila mga ginikanan kag mga utod

• magpakita sang respeto kon nagaistorya sa ila mga ginikanan parte sa mga patakaran

• saligan sang ila mga ginikanan

(I-search ang “Tin-edyer kag Bataon nga Adulto” sa jw.org)

Libre lang ang paggamit sang website nga jw.org. Wala sang balayran, wala sang subscription, ukon membership nga kinahanglan, kag wala sing ginapangayo nga personal nga impormasyon.