Ambahanon 35
Halangdon nga Paagi Sang Gugma
1. Dios gugma, gani ’gaagda,
Sundon ang paagi n’ya.
Sa aton hambal kag buhat,
Ipakita ang gugma.
May hiyas man nga managna,
May pagtuo, kaalam.
Kon wala kita sing gugma,
Wala gid kapuslanan.
2. Masako man sa pagwali,
’Gabatas paghingabot;
Kon di putli ang motibo,
Ano ang mapaabot?
Ang gugma mainantuson,
Malumok, maluluyon,
Desente ini maghulag,
Kag indi pa maimon.
3. Di ’gahinakit ang gugma,
Sa malain ’gasikway,
Maligon, nagapadayon,
Sa maayo nalipay.
Pagtuo, paglaum, gugma,
Ini nagapadayon;
Apang ang diosnon nga gugma
Ang labi ka halangdon.