Ambahanon 38
Pagpakita Sing Katutom
1. Si Jehova may katawhan
’Gadala iya ngalan,
Matutom nga kongregasyon
Sa iya kadungganan.
Sa latok n’ya nga bugana
Sila may kalipayan,
Kag sa buhat, hunahuna,
Sia ila pahamutan.
2. Ipakita ang katutom
Sa iya kongregasyon,
Bisan pa may kabudlayan
Aton ini sakdagon.
Indi naton pabayaan
Nga sila mahalitan;
Kon sila may katalagman,
Aton nga paandaman.
3. May kaluoy kag kalumok,
Aton pagabuligan
Ang maluya kag baguhan
Nga manga kauturan.
Subong isa ka pamilya,
Di kita magaduda,
Kundi sa paghiliutod,
Magsalig kada isa.
4. Di tulad sa kalibutan,
Ipakita katutom.
Sa bagay sini magbaton,
Sa ano man nga tion.
Butigon gid man ang Yawa,
Apang ang Dios matarong.
Kay aton napamatudan,
Dios nalipay sa aton.