Ambahanon 70

Mangin Katulad ni Jeremias

(Jeremias 1:7, 18)

1. Sa aton pagalagad

May kalipay nga tuman.

Samtang nagaalagad

Ang Dios nagaatipan.

Ang Biblia ’gapaandam—

Kag ini masaligan—

Luwas sa manga kalipay

May ara katalagman.

2. Si Jeremias sadto,

Gintawag sang bata pa.

Pa’no gindula sang Dios

Ang pagkahadlok niya?

‘Awayon ka man nila,

Gamiton ila gahom,

Sila indi magadaug,

Torre ka nga maligon.’

3. Iya ginpamatudan

Si Jehova matutom.

Bisan may katalagman,

Sia nagmadinalagon.

Tulad ni Jeremias,

Magsalig gid sing bugos,

Magpanaksi sing maisog

Sa soberanya sang Dios.