Ambahanon 81
Pasalamat sa Pagpailob Sang Dios
1. O Jehova, imo gahom
Ang naghimo nga matahom.
Manga butang nga makitan
Sa duta kag kalangitan.
’Gakalipay sa katahom
Ang may gugma sa matarong.
Mas matahom nga makitan
Pagdaug sang Ginharian.
2. Kay makugi sa matarong
Dulaon mo malauton;
Agod nga may kaluwasan,
Ang paglaglag ginapunggan.
Ang imo manga katawhan
Sing pagdayaw ’gaambahan.
May kalangkag nga makitan
Pagdaug sang Ginharian.
3. Pailob mo panginpuslan
Iwali ang Ginharian.
Kinaiya mo ihayag,
Sa Pulong mo ’gabanaag.
Agod sila maluwas man
Ipaathag imo dalan
Kag nian amon nga makitan
Pagdaug sang Ginharian.