Ambahanon 96
Nagahimaya sa Aton Amay, si Jehova
1. Manga tinuga ’gaamba
Imo kahimayaan.
Ini tanan ginpanuga
Kay imo nahamutan.
Sa imo nagagilikan
Ang tanan nga regalo.
Ang manga tagna natuman
Sa presensia ni Cristo.
Sa pagkabunag ni Jesus
Ang anghel nagambahan.
Sa pagkaayo mo, O Dios,
Gawad imo ginaman!
2. Amon nga ginakasadya
Nga Anak mo nagtuman
Sing iya misyon sa duta
Baguhon kahimtangan.
Kag nga ang Hari sa trono
Sugo mo ginatuman,
Ang imo ngalan kag tuyo
Iya ginapadunggan.
Huo, kami nakakita
Kalipay sa paghugyaw:
“Jehova, Dios sang kapawa,
Dulaon n’ya kapungaw.”
3. Indi bala pagambahon
Ang imo kadayawan?
Kabubuton mo himuon
Nga kami mahamutan?
Ngalan mo amon ibayaw,
Buluhaton tapuson.
Gugma namon di magbugnaw,
Kakugi ipadayon.
Ikaw amon alagaran
Bugos tagipusuon.
Kag amon nga panikasgan
Nga ngalan mo dayawon.