Ambahanon 110

Magmapinatawaron

(Efeso 4:32)

1. Ang Dios sing mahigugmaon

Sa ’ton sala nagaman,

Iya Anak ginpadala,

Kita ginabuligan.

Kon kita nagahinulsol,

Kaluoy n’ya mabaton.

Suno sa gawad ni Cristo,

Iya nga patawaron.

2. Apang Dios ’gapatawad lang

Sa manga katulad n’ya,

Sa pagpatawad sa iban,

’Gapakita sing gugma.

Bangod kita indi himpit,

Pirme may kasalanan

Sa hambal ukon paggawi.

Patawad kinahanglan.

3. Kon kita nagapatawad,

Kasubo malikawan.

Ginapakita kaluoy

Nga sa langit ’gagikan.

Pagpatawad ’gapakita

Nga kita may kahamtong.

Kag madalom nga paghangop

Nagahatag kalinong.

4. Maayo ang pagpatawad;

Dapat nga palambuon.

Nagapalikaw sa aton

Masaklaw balatyagon.

Kon kita ’gapatawad gid,

Dios ginailog naton,

Nahamuot magpatawad,

Aton sia himayaon.