Ambahanon 138
O Maglakat Upod sa Dios!
1. O maglakat upod sa Dios;
Mangin maluluyon.
Kag magmatutom sing bugos;
Sia imo kaligon.
Kon huptan kamatuoran,
Indi magpatalang;
Subong sa bata uyatan,
Iya ka tuytuyan.
2. O maglakat upod sa Dios;
Sala di paduygan.
Magpakahamtong sing bugos
Agod kahamutan.
Kag kon ano ang matarong
Kag maminatudon,
Pirme ini nga dumdumon
Agod nga magligon.
3. O maglakat upod sa Dios
Agod nga maagom
Kaayawan sa Dios bugos,
Nga labing halangdon.
O maglakat upod sa Dios;
Sia ang pahamutan.
Malipayon gid sing bugos
Imo mabatyagan.