Ambahanon 150
Ang Tinapay Gikan sa Langit
1. Amay namon sa langit,
Di ’gabalhin sa gihapon,
Ikaw ginabalaan
Kag ginahimaya namon.
Katawhan mo sang una,
Imo gintuytuyan.
Sing manna nga tinapay,
Imo ginpadalhan.
Ginpainom sing tubig
Nga naggwa gikan sa bato.
Busog kag malipayon,
Sa Canaan ginpakadto.
2. Manna nga ginpakaon
Naglaragway sa kay Cristo,
Nga nagbiya sa langit
Agod maluwas ang tawo.
Tinapay sia sa langit;
Lawas n’ya ginhatag.
Sa pagtubos sa ila,
Iya nga ginhalad.
Sa pagtuo may bahin
Sa tinapay gikan sa Dios;
Kada adlaw kaunon
Agod maputli sing bugos.
3. Balita sa tinapay
Indi taguon sa gutom.
Aton ini gamiton
Agod “karnero” pakanon.
Iban buligan naton
Agod Dios masapwan,
Kaluwasan maagom,
Kag sia mabulahan.
Tapos ang Armagedon,
Aton nga pagaambahon
Ang iya kadayawan,
Ang kalipay sa gihapon.