Ambahanon 155
“Batuna ang Tagsatagsa!”
1. Batuna ang tagsa subong ginhimo ni Jesus!
Batuna ang imo utod kay sia man gintubos.
Ang hamtong kag mabakod, magsakdag sa maluya,
Magbulig agod katarungan ila makita.
Ang manga gintagna sang manga propeta sadto
Sa aton paglugpay, paglaum makapatubo.
Indi lamang kaugalingon ang pahamutan,
Kaayuhan sang aton utod subong aton man.
2. Ang ’gabiya sa inaway ginatipon sang Dios,
Kag ang paghidait ipasaguli ni Jesus.
Sila ginakuha sa kada pungsod kag tribo
Agod itudlo sa ila ang iya nga sugo.
Sa kahimayaan sang Dios, batuna ang tanan.
Wala sing pasulabi, tagsa pakigabyanan.
Ang iya tuman nga kaayo aton ilugon.
Kag subong sa kay Jesus, ang gugma pasangkaron.
3. Ang tanan paligunon nga ang Dios himayaon,
Kag ang pagdayaw sa iya ila nga ambahon.
Gani aton ipabutyag sa dalan, puluyan
Ang himaya n’ya sa tagsa nga aton makitan.
Kadungganan naton pagdayaw sa Dios ambahon.
Katapusan nga adlaw ini sa malauton.
Gani aton nga higugmaon ang kauturan;
Subong ginapatuman n’ya, batuna ang tanan.